Dum la fermo de la 5-a kongreso de la nacia asocio de pedagogoj sesiinta en Havano oni sciigis pri la decido de la kongreso transdoni al la kuba gvidanto Fidel Castro la nacian premion de pedagogio pro lia kontribuo al la kuba kaj latinamerika eduko kaj liaj kontribuoj metodologiaj en la formado de la novaj generacioj.
La kongreson ĉeestis la unua vicprezidento Miguel Díaz-Canel, ankaŭ membro de la politika buroo de la komunista partio, kiu dividis spertojn kun la delegitoj en la evento kaj esprimis la bezonon aktualigi konstante la pedagogiajn praktikojn konsiderante la teknologiajn influojn de la informadiko kaj telekomunikado.
Díaz-Canel pritraktis aliajn temojn kiel la graveco de la integrala formado de profesoroj kaj multfaka preparado kiu devas regi en la scienca esplorado por atingi la renovigadon kaj novecon. Tiu ĉi kongreso ne devas resti je la nivelo de la teoria debato, sed retronutri la bazon por atingi superan etapon de nia eduka sistemo, li aldonis.
Dum la fermo de la kongreso oni informis pri la novelektita estraro de la asocio de pedagogoj de Kubo kaj la premiitoj tutlandaj, la premio de la elstara novulo, la eduko-familio kaj Gloria Guerra, krom aliaj rekonoj al la plej elstaraj profesoroj.
Rilataj Artikoloj
Komentarioj
Lasu komentarion
Ĉiuj kampoj bezonatasPliaj Vidaĵoj
- Sukcese finiĝis la tria internacia kolokvo Patria fronte al komunikaj defioj
- Lula prezentos planon kun rasegalecaj politikoj en Brazilo
- Fruktodonaj interŝanĝoj de la vicĉefministro Ricardo Cabrisas en Rusio
- Informadiko 2024 en Kubo dediĉas tagon al Cibersekureco
- Informadiko 2024, akcelo al cifereca transformo en Kubo