Foto: PL

Havano, sep 26 (RHK) La Ŝtata Laborista Asocio (ATE) de Argentino okazigos hodiaŭ nacian bataltagon kaj mobilizadon en la ĉefurba Placo de Majo por denunci eventualajn maldungojn fine de ĉi tiu monato.

Tiuj ĉi agoj estis aprobitaj dum plena kunsido okazinta en ĉi tiu urbo kun la partopreno de pli ol mil delegitoj kaj antaŭtage oni anoncis, ke partoprenos ankaŭ membroj de la Sindikato de Laboristoj de la Populara Ekonomio.

La membroj de ĉi tiuj grupoj malakceptos la politikojn de la prezidento Javier Milei kaj provos eviti novajn maldungojn en la publika administrado.

Lastatempe, la ĝenerala sekretario de la ATE, Rodolfo Aguiar, akuzis la Registaron deklari militon al dungitoj kaj deklaris, ke la ekzekutivo ne povas kaŝi la perdon de popola subteno.

“Ni ne toleros unu plian kontraŭleĝan maldungon. Se ĉi tiu Ŝtato ankoraŭ provizas servojn, tio estas danke al la preskaŭ superhoma penado kaj ofero de siaj laboristoj en la tuta lando", li diris.

“Post la prezento de la Buĝeto de 2025, ne estas dubo, ke la alĝustigo profundiĝos en la provincoj kaj municipoj. En ĉi tiu okazo, la regulo de forto devas esti ĝenerala en naturo kaj kovri ĉiujn areojn. Estas centoj da miloj da ŝtataj laboristoj, kiuj malriĉiĝis en la lastaj tempoj,” li aldonis.

Same, li urĝis plifortigi unuecon kaj memoris, ke eksprezidanto Mauricio Macri (2015-2016) ne estis reelektita, ĉar li antaŭe perdis en la stratoj.

Dum la bataltago okazos ĉesigo de laboro, retiriĝoj el laborlokoj ekde tagmezo kaj popola manĝeto antaŭ la Casa Rosada, dum ĉiu el la provincoj difinos la kategorion de la manifestacioj en siaj teritorioj.

Laŭ ATE, la kontraktoj de 65 mil homoj eksvalidiĝas en la 30-a, kiuj estis renovigitaj nur dum tri monatoj kaj la Registaro planas ne plilongigi ilin.

Fonto: PL