Por la dua jaro sinsekve, kubanoj sin preparis por eblaj naturaj katastrofoj dum malfacila laboro por neŭtraligi COVID-19.
La kutimaj amasaj mobilizoj cele al trejnado pri efikaj respondoj al eblaj kataklismoj, kiel tiuj kaŭzitaj de ripetiĝantaj uraganoj, malaperis ekde 2020.
Ĉi tio okazis pro SARS-Cov-2, kies efiko dum la paso de 2021 estis signifa, kun majo estante la plej malbona tiurilate ekde la komenco de la pandemio.
Ĉar kubanoj sopire atendas la finon de la klinikaj provoj de pluraj aŭtoktonaj kandidatoj por vakcinoj kontraŭ KOVIM-19, la nuna imperativo ankoraŭ estas maksimumigi higien-sanitarajn rimedojn.
Tial, la ekzercado kontraŭ naturaj katastrofoj, kiu estas farata ĉiujare antaŭ la komenco de la ciklona sezono ekde junio, devis esti planita kun malmulta partopreno de homoj.
Krome, la Civila Defendo alfrontas novan defion, ĉar ĝi devas havi pli multajn instalaĵojn pretajn por akcepti homojn loĝantajn en malfortaj hejmoj aŭ en lokoj inundeblaj.
Ĉar la lando estas submetita al rigoroj de la malsano spirdevena, ĝi bezonas pli da spacoj por atenti tiujn, kiuj estas minacataj de uragano, ĉar fizika distanciĝo devas esti tenata en la rifuĝejoj.
Tiel, Kubo alfrontas senhezite la pintojn de la nova kronviruso, kun ĉiutagaj averaĝoj de pli ol mil kazoj, sen pretervidi la organizadon de komunumoj kaj kompanioj antaŭ la ebla trairejo de ciklonoj.
Ĉio ĉi devas esti entreprenita sen forlasi la strategion por disvolvi la ekonomion, severe punitan de la usona blokado, senŝanĝa malgraŭ la nova administracio en Vaŝingtono kaj la bato de la pandemio sur la ŝtataj monrezervoj.
Ĝis nun la plej granda el Antiloj investis pli ol 300 milionojn da dolaroj por fari PCR-testojn kaj konstrui kaj ekipi laboratoriojn, en jaro, en kiu la reakiro de turismo ankoraŭ estas necerta, konsiderata esenca movigilo de la ekonomio.
En ĉi tiu kunteksto, estas pli problema garantii la antaŭzorgojn de la lando antaŭ la baldaŭa ciclona sezono, sed malgraŭ tio, la Civila Defendo gvidas, kune kun la registaro, la taskojn por ke la ventaj kaj akvaj ventegoj NE surprizu la loĝantaron.
Roberto Morejón
