De Roberto Morejón
Ekde la venko de la Revolucio, Usono provis devigi ŝanĝon de registaro en Kubo, celo akcentita dum la pandemio, kun la espero profiti senteman momenton kiel la plago de Kovim-19.
La periodo 2020-2021 estis speciale malfacila por kubanoj, ĉar ĝi rilatas al plifortiĝo de la blokado, infektoj de SARS-Cov-2 kaj ekonomia vundebleco pro grandaj elspezoj por kontraŭstari la pandemion.
La National Endowment for Democracy, NED laŭ la akronimo en la angla, kaj la Usona Agentejo por Internacia Evoluo, USAID, daŭrigis en la menciita periodo kiel ĉefekzekutistoj de sinistra plano.
La celo estas subfosi la prestiĝon de Kubo sur la internacia plano kaj nutri internan koleron kaj malkonsenton.
La kuba ĵurnalo Granma ĵus publikigis artikolon en kiu estas kolektitaj iuj el la elspezoj uzataj por rompi la trankvilon en la plej granda el Antiloj, inter aliaj destinoj.
Kiel asertite en la retejo de NED, la programo LAC de NED subtenis klopodojn por antaŭenigi demokration en nacioj kiuj, laŭ la opinio de Vaŝingtono, havas aŭtoritatajn reĝimojn: Kubo, Nikaragvo kaj Venezuelo.
Ĉiuj tri landoj estis la celo de sankcioj, amaskomunikilaj kampanjoj kaj aliaj atakoj.
Laŭ la detaloj donitaj de la NED mem, dum 2020 pli ol kvin milionoj da dolaroj estis investitaj per la menciita dezajno.
Al la cifero oni devas aldoni la rimedojn provizitajn al Neregistaraj Organizoj kaj fondaĵoj, ĉiuj kun siaj pafiloj enfokusigitaj kontraŭ la tri Ŝtatoj.
Ĉi tio ne estas nova maŝino, ĉar ekde 1997 USAID kaj ĝia tiel nomata Kuba Programo, kun la helpo de la NED, okupiĝas pri projektoj por promocii la tiel nomatajn gvidantojn kontraŭstarajn al la Revolucio kaj aliajn manifestiĝojn malproksime de la registara linio.
Sed estas rimarkinde konservi tiajn ilojn por ŝanĝi la politikan kaj socian etoson dum tutmonda sankrizo, el kiu la plej granda el Antiloj ne eskapis.
Ne hazarde en la lastaj semajnoj la Kuba afero akiris virulecon en sociaj retoj kaj en la hegemonia gazetaro, desegnante bildon de socio, kiu malobservas la leĝojn.
La mono kuras kaj subtenas lavangon de distordaj konceptoj de la kuba realo, antaŭ kiuj legantoj, spektantoj kaj aŭskultantoj devas fari plian penon por ne esti sufokitaj.
