Kiam la 26-an de novembro, la Monda Organizo pri Sano (OMS), sekvante la konsilon de la Teknika Konsultiĝa Grupo pri la Evoluo de la kronviruso SARS-CoV-2, klasifikis la varianton B.1.1.529 de ĉi tiu viruso kiel varianton de zorgo, alarmoj eksplodis tra la mondo.

La MOS decidis nomi ĝin per la greka litero omicron, kaj la decido konsideri ĉi tiun varianton antaŭzorga baziĝis sur la indico prezentita al la Teknika Konsila Grupo, kiu indikas, ke ĝi prezentas plurajn mutaciojn kiuj povus influi la karakterizaĵojn de la viruso, ekzemple, la facileco por disvastiĝi aŭ la severeco de la simptomoj kiujn ĝi kaŭzas. Tamen, estas ankoraŭ multaj neresponditaj demandoj pri ĝi kaj la MOS kunordigas grandan nombron da esploristoj el la tuta mondo por pli bone kompreni la omikronan varianton.

Tamen, la kunteksto en kiu aperas Ómicron tute ne estas trankviliga, ĉar ĝi ĝuste alvenis en la momento, kiam Eŭropo revenis por okupi la plej altan lokon kiel la epicentro de la pandemio, kun pli ol 60% de la kazoj de Kovim-19 kaj pliiĝo de la nombro de mortoj, situacio de nedaŭrigebla premo por sansistemoj, kiel avertis la MOS.

Samtempe kreskis la limigoj kaj kvarantenoj por tiuj, kiuj ĝis hodiaŭ rifuzas vakciniĝi. Neismaj grupoj eliris por protesti, kaŭzante streĉiĝon en la stratoj de malnova Eŭropo kaj eĉ nepacaj manifestacioj en pluraj urboj de tiu kontinento.

Kaj la nuna situacio tra la mondo estas ke multaj landoj decidis fermi landlimojn por vojaĝantoj el afrikaj landoj, regiono kie la unuaj kazoj estis detektitaj, malĝoja paradokso ĉar ĝuste tiuj landoj ne ricevis la necesajn vakcinojn por imunigi siajn loĝantarojn, eĉ tiuj, kiuj kiel Bocvano pagis pli altan prezon pro tiuj  vakcinoj ol la riĉaj landoj, favorataj de la transnaciaj farmackompanioj, kiuj laŭ siaj propraj taksoj, estos la veraj gajnantoj en ĉi tiu abomena ĉapitro de la historio de la homaro, kiu ankoraŭ ne finiĝis.

Intertempe, la MOS rekomendas daŭrigi kun pruvitaj preventaj reguloj epidemiologiajn, fari monitoradon kaj studojn pri Omicron, kaj fundamente redukti la malegalecojn,  kiuj influas la aliron al vakcinoj kontraŭ kovim-19 por certigi, ke en ĉiuj landoj, la plena skemo de vakcinoj estos administrita al ĉiuj vundeblaj grupoj de la loĝantaro, inkluzive de sanlaboristoj kaj maljunuloj, krom provizi ilin juste per la diagnozaj testoj kaj traktadoj, kiujn ili bezonas.

Por Kubo, kiu faris daŭran progreson en vakcinado kun pli ol 82,6% de sia loĝantaro imunita per propraj vakcinoj, la aŭtoritatoj certigas, ke ili observas la raportojn pri Ómicron kaj jam laboras pri la dezajno de specifaj vakcinoj, kiujn  ili povus  plenumi en malonga tempo, se necese.

Fronte al la nova scenaro, la lando decidis plifortigi epidemiologiajn sekurecajn regulojn por kontroli vojaĝantojn en la tuŝitaj lokoj, sed sen fermi siajn limojn.

Kiel atentigis MOS oni ne devas paniki pri Omicron, sed daŭre batali kontraŭ la varianto Delta, kiu regas tra la mondo kaj provokis la nunan ondon de infektoj kaj mortoj.

Tial, por Kubo  la plej  grava afero estas daŭrigi  la vakcinadan strategion inkluzive de la plifortiga dozo, kiu estas aplikata ekde la pasinta novembro kaj daŭre plenumi  la higienian-sanajn regulojn por prevento kaj kontrolo de Kovim-19.

Ni  certe bezonas tutmondajn respondojn, sed sen krei vojaĝapartismon kontraŭ afrikaj landoj, kiel  denuncite de Antonio Gutérres, la ĝenerala sekretario de UN. La vojo estas en kunlaboro kaj solidareco.