Sekretario de la Centra Komitato de la Komunista Partio de Taĝikio, Ĵamŝed Sabiroviĉ Junusov

“Hodiaŭ, multaj landoj uzas ĉin-faritajn produktojn, tiel kreante pliajn laborpostenojn, uzante modernajn teknologiojn, kiuj ne malpurigas la ĉirkaŭan medion…”
de Chen Ji kaj Pietro Fiocchi

Kara Sekretario, s-ro Ĵamŝed Sabiroviĉ, la tria plena sesio de la 20-a Centra Komitato de la Komunista Partio de Ĉinio (KPĈ), kiu ĵus finiĝis, koncentriĝis pri plua profundigo de reformoj por antaŭenigi la modernigon de Ĉinio. Laŭ via opinio, kiel ĉi tiu sesio influos la ĉinan ekonomion? Ĉu estos pli da ŝancoj por ekonomia kunlaboro inter Ĉinio kaj Taĝikio?

 Estas necese substreki, ke Ĉinio nuntempe havas gravan politikan kaj ekonomian rolon en la disvolviĝo de nia regiono. La ligoj inter niaj ŝtatoj plifortiĝas tagon post tago.

Ekzemplo de tio estas la lastatempa ŝtata vizito de la Prezidanto de la Ĉina Popola Respubliko, estimata kamarado Xi Jinping, al Taĝikio la 4-an de julio ĉi-jare.

La Prezidanto de la Respubliko de Taĝikio, nia estimata Emomali Rahmon, kiel signo de granda respekto, varme kaj sincere renkontiĝis kun la altranga gasto.

Dum la ŝtata vizito okazis multaj altnivelaj renkontiĝoj kaj interparoladoj inter Taĝikio kaj Ĉinio, kaj multaj novaj dokumentoj pri duflanka kunlaboro estis subskribitaj.

Do, mi opinias, ke la temo pri novaj ŝancoj por plivastigi ekonomian kunlaboron inter niaj ŝtatoj jam plene konkretiĝas. Ni esperas, ke ĉi tiu kunlaboro utilos al la popoloj kaj ekonomioj de ambaŭ landoj.

Kiel vi taksas la ĉinan modernigon kaj kian influon, laŭ vi, tiu modernigo havas sur la resto de la mondo?

Ĉinio estas superpotenco kaj la modernigo de la ĉina ekonomio povas havi utilan efikon al ĝiaj najbaraj ŝtatoj.  En la epoko de tutmondiĝo kaj disvolviĝo de ciferecaj teknologioj, ĉiu evoluinta socio strebas al pli bonaj laborkondiĉoj kaj socia vivo.  Ĉinio, kiel unu el la plej grandaj produktantoj de modernaj teknologioj en diversaj sektoroj de la ekonomio, serĉas partnerojn kaj merkatojn.

Kompreneble, ĉinaj teknologioj nun estas uzataj en modernaj evoluintaj landoj, kiel Usono, Britio, Aŭstralio, Kanado kaj landoj de la eŭropa kontinento. Taĝikio estas unu el la plej proksimaj najbaroj de Ĉinio kaj ni disvolvis amikecajn partnerecojn. Ŝajnas al mi tute nature, ke ĉinaj modernaj teknologioj estas enkondukitaj en nian ekonomion.

Por doni unu ekzemplon, en Taĝikio nuntempe pliiĝas la uzadon de ĉin-fabrikitaj elektraj veturiloj en la serva sektoro de urbaj taksioj. La samaj aŭtoj videblas en ĉiuj urboj de la Centra Azia regiono. Ĉi tio estas kaj ŝpariga kaj ne damaĝas la medion.

En la kvara volumo de la libro “Xi Jinping: Regado de Ĉinio”, ĉina prezidanto Xi Jinping proponis lasi la Pordomalferman politikon de Ĉinio stimuli la mondan ekonomion. Ĉinio daŭre realigos altan nivelon de malfermiteco kaj faciligos liberan komercon kun la cetera mondo: kiel ĉi tiu politiko influas la mondan ekonomion?

Mi pensas, ke sekve de la rapida disvolvo de la ĉina ekonomio post la reformoj de Deng Xiaoping, oni komencis nomi la ekonomion de Ĉinio la ĉina miraklo, kaj jen kio ĝi estas.
Ĉina prezidanto Xi Jinping daŭre gvidas la ĉinan miraklon tra la ondoj de la tutmonda ekonomio konfideme kaj firme. La ekonomioj de multaj landoj dependas de ĉinaj fabrikantoj, kaj ni certe povas diri, ke la ekonomia produktado de Ĉinio inkluzivas produktojn de alt-teknologiaj industrioj.

Verŝajne ne ekzistas hodiaŭ industrio, en kiu ĉinaj fabrikistoj ne havas modernajn teknologiojn.

Tial ni sekure povas aserti, ke Ĉinio multe antaŭeniris en sia evoluo en ĉiuj sektoroj de moderna produktado, konkeris mondajn merkatojn kaj, per siaj varoj kaj servoj, havas utilan efikon al la monda ekonomio.

Hodiaŭ, multaj landoj uzas ĉin-faritajn produktojn, tiel kreante pliajn laborpostenojn, uzante modernajn teknologiojn, kiuj ne malpurigas la ĉirkaŭan medion, uzas sciencajn atingojn de ĉinaj sciencistoj en diversaj kampoj de scienco, flaŭro kaj faŭno.

Fonto: El Popola Ĉinio - China.org.cn