Foto: Granma

Havano, apr 2 (RHK) La Usona Agentejo por Internacia Evoluo (USAID) travivis, kun la reveno de Donald Trump al la povo, la plej malbonajn momentojn en sia historio: la magnato instalita en la Ovala Oficejo fariĝis la tombisto de la veterana organizo.

Tamen, la respondeculo plenumigi la ordonon "entombigi" USAID, Marco Rubio, nuna usona sekretario de ŝtato, proksime ligita al mafiaj organizoj kiuj profitas el la financado de Vaŝingtono, ne plene plenumis la atendojn de la Prezidento.

«Kiel atendite, la usona ŝtata sekretario usona  "restarigas financadon, per registara mono, al la subfosaj programoj kontraŭ Kubo de organizaĵoj kiuj pretendas esti sendependaj kaj kiuj, dum jaroj, profitas kaj faris karieron el kontraŭkuba soldatdungado”, denuncis hieraŭ, en X, la membro de la Politika Buroo kaj kuba ministro pri eksteraj aferoj, Bruno Rodríguez Parrilla.

La polemiko de la decido kuŝas, ĉefe, en tio, ke dum pli da financoj de usonaj impostpagantoj estas asignitaj al sennaciuloj kaj solduloj, sanprogramoj en multaj lokoj en la mondo suferas gravajn tranĉojn.

Kiel emfazis la vicdirektoro de la Ĝenerala Direkcio de Usono, de la Mininisterio pri eksteraj aferoj, Johana Tablada de la Torre, "ne ekzistas maniero restarigi tion, kion ili forprenis de vakcinoj por vundeblaj infanoj en la Tria Mondo, sed por la malŝparo kontraŭ Kubo, Marco Rubio ĉiam garantias buĝeton."

Laŭ AP, nur en Afriko, registaroj estis devigitaj nuligi la kontraktojn de miloj da laboristoj dediĉitaj al preventado de HIV kaj malario, vakcinadoj, kaj helpi vundeblajn virinojn trakti la traŭmaton de milito.

Fonto: Granma