En 1994, la Ĝenerala Asembleo de Unuiĝintaj Nacioj proklamis la 16-an de septembro Internacian Tagon por Konservado de la Ozona Tavolo, memorige al la dato de la subskribo, en 1987, de la Montreala Protokolo pri substancoj, kiuj damaĝas la ozonan tavolon.
Sub la slogano “Por konservi freŝaj nin, niajn manĝaĵojn kaj niajn vakcinojn”, ĉi-jare la okazigo de la Monda Tago por la Konservado de la Ozona Tavolo reliefigas la rolon de la Montreala Protokolo kaj la Kigali-Amendo al la Montreala Protokolo, en kiuj landoj promesis nuligi hidrofluorokarbonojn (HFC).
Ĝia apliko kaŭzis la eliminon de ĉirkaŭ 99 procentoj de la substancoj, kiuj malplenigas la ozonan tavolon.
Kubo, subskribinta lando kaj fidela observanto de mediaj devoj, fokusas siajn klopodojn plenumi siajn devontigojn kun tio, kio estis interkonsentita ĝis nun por la redukto kaj laŭgrada forigo de la uzo de substancoj, kiuj Elĉerpas la Ozonan Tavolon (ODS) kaj kun la Amendo de Kigali, plue kontribuos al la batalo kontraŭ mondvarmiĝo kaj prizorgado de la medio.
Fine de 2020, Kubo finis la projekton Nacia Plano por Forigo de Hidroklorofluorokarbonoj (HCFC) direktita kaj kunordigita de la Oficejo Teknika pri Ozono (OTOZ). Per ĉi tiu projekto, 13,35 tunoj da ozonaj substancoj (ODS) estis forigitaj.
Laŭ deklaro de CubaEnergía, ĉi-jare dek sep novaj entoj aliĝas al la definitiva elimino de la uzo de ODS en siaj agoj favore al la medio, plenumante kiel interkonsentite la plej efikan kaj sukcesan el la tutmondaj interkonsentoj, en mediaj aferoj, la Protokolo el Montrealo.
Okaze de la monda tago por konservado de la ozona tavolo, Kubo donas nacian agnoskon al la organizoj kaj institucioj, kiuj sukcesis forigi la uzon de ODS, donita de la Ministerio de Scienco, Teknologio kaj Medio (CITMA), laŭ la rezolucio 114 de 2003 kaj tiu en 2021.
Ĉi tiuj institucioj inkluzivas la hotelojn Las Conchas I kaj El Caney, ambaŭ en la provinco Matanzas; la Floreale en Villa Clara kaj en Santiago de Kubo, San Basilio, San Feliz kaj Enramada de la komplekso Ciudad Hotelero, de Cubanacan S.A.
La aliaj agnoskitaj entoj estas la Holguín-Provinca Pediatria Hospitalo "Octavio de la Concepción y de la Pedraja"; Nikela Mekanika Kompanio "Komandanto Gustavo Machín Hoed de Beche"; Servo-Kompanio Orienta Hidraŭlika Inĝenieroj (ESIHE); kaj la Serva Kompanio “komandanto René Ramos Latour, ĉiuj apartenantaj al la orienta provinco Holguín.
La liston de premioj finas la Gazeta Kompanio de UEB Gráfica Villa Clara; la Oficeja Grafika Agentejo Villa Clara; la Fabriko Palma Soriano de la Miksa Entrepreno Compacto Caribe S.A; kaj de la provinco Guantánamo la kamparaj feriejoj Yacabo Abajo, Cajobabo, Yunque kaj Duaba del MINTUR.
Landaj agnoskoj estos transdonitaj persone, kiam epidemiologiaj kondiĉoj tion permesos.
Fonto: Cubaenergía
