Foto: PL
En la dua vojaĝo al la Amerikoj, Kristoforo Kolumbo velis ĉirkaŭ la suda flanko de la insulo Kubo. Dum tiu ĉi turneo li malkovris grandan vastaĵon de sablaj svarmoj, rifoj kaj mangrovoj. Entute estis pli ol 250 insuloj kaj kajoj.
Tiu ĉi longa kaj mallarĝa baro longas pli ol 100 kilometrojn kaj situas inter 90 kaj 50 kilometroj de la marbordo de la insulo Kubo. Kolumbo donis al tiu ĉi insularo la nomon "Ĝardenoj de la Reĝino" en honoro de Isabella la Katoliko.
Ĝi estas nuntempe unu el la plej grandaj naturaj parkoj en Kubo, ĉar ĝi havas etendaĵon de pli ol 2 100 kvadrataj kilometroj.
Ĝardenoj de la Reĝino estas aŭtentika labirinto de kanaloj kaj malprofundaj lagunoj kun kristalklara akvo, kiu estas ideala panoramo por tiuj, kiuj deziras plonĝi en ĝiaj akvoj, flosanta platformo nomita La Testudo estas la akceptejo por vizitantoj, la centro de plonĝado kaj hotelo.
Kiam oni ŝatas plonĝi kaj volas ĝui virgajn ekosistemojn, Ĝardenoj de la Reĝino estas la loko, kie oni povas vidi ampleksan varion de konservitaj maraj flaŭro kaj faŭno, malmola kaj mola koralo, fiŝoj, krokodiloj, rajoj kaj dekoj da ŝarkoj.
Ĉi tiuj estas kelkaj el la spektaklaj vidindaĵoj troveblaj en ĉi tiu natura paradizo, al kiu oni povas aliri nur per boato, ĉar ĝi estas ses horojn for de la marbordo.
