Unuafoje, en la Tago de la Kuba Historiisto oni transdonos la Premion Eusebio Leal Spengler, kunvokita de la Provinca Plenuma Komitato de la Unio de Kubaj Historiistoj kaj kunsponsorita de la Oficejo de la Historiisto de la Urbo kaj la Universitato de Havano.
La eventon, kiu okazos de la 17-a ĝis la 31-a de junio, povos partopreni esploristoj kun rezultoj pri historiografio, antropologio aŭ heredaĵo, kiuj dum periodo ne malpli ol 25-jara elstaris pro solideco, amplekseco kaj scienceco de la laboro favore al la provinca kaj nacia historia kulturo.
La Premio Eusebio Leal Spengler estos donita la 1-an de julio dum la Provinca ceremonio okaze de la Tago de la Historiisto.
Eusebio Leal Spengler, forpasinta en 2020, estis Doktoro pri Historiaj Sciencoj kaj Majstro pri Arkeologiaj Sciencoj kaj pri Studoj pri Latin-Ameriko kaj Karibio, Historiisto de la Urbo kaj Direktoro de la Programo por la Restarigo de la Monda Heredaĵo, li aparte distingiĝis per farado de la restaŭraj laboroj de la Historia Centro de Havano, deklarita Monda Heredaĵo de Unesko en 1982.
La unua de julio estas la tago starigita por honori kubajn historiistojn, ĉar en tiu dato en 1935 estis donita la statuso de Historiisto de la Urbo Havano al d-ro. Emilio Roig de Leuchsering, eminenta historiisto kaj iniciatinto de naciaj prihistoriaj kongresoj.
