Havano bonvenigos ĉi-lunde la kunfandiĝon de diversaj muzikaj ritmoj de la legenda grupo Síntesis, kadre de la specialaj prezentoj de la 37-a Internacia Ĵaz-Festivalo Plaza.

En la salono Tito Junco de la Teatro Bertolt Brecht, la grupo, kiu lastatempe festis sian 45-an datrevenon, aldonos la talenton de trumpetisto Yassek Manzano, Michel Herrera saksofono kaj kantisto Eme Alfonso por konfirmi sian propran stilon en la kuba muzika scenejo.

Fondita de kontrabasisto kaj komponisto Carlos Alfonso, kiu daŭre gvidas la grupon, Síntesis estas unu el la emblemoj de fuziomuziko en la lando, kaj ĝia repertuaro kunigas ĝenrojn kiel roko, ĵazo, klasikaj komponaĵoj kaj afrokubaj sonoj.

Sur tiu sama scenejo sin prezentos la belga kantistino Mari Bel  kiel ĉefrolulo de la koncerto Omaĝo al Cuban Jazz, akompanata de famaj instrumentistoj el la insulo kiel Gastón Joya baso, Miguel Ángel García piano, Oliver Valdés tambure kaj Adel González sur la perkutado.

La artisto dividos kun aliaj specialaj gastoj ĉe la avangardo de kuba ĵazo, inter ili, la showman kaj fondinto de la evento, Bobby Carcassés, Héctor Quintana, Emilio Hernández Martini kaj Yasek Manzano.

La prezento planita por la 23-a de januaro estas parto de la ampleksa programo de vivaj koncertoj ofertataj de la plej grava evento dediĉita al ĵazo en la insulo, kie sin prezentos artistoj el naŭ landoj.

Fonto: PL