Laŭzano, jun 27 (RHK) Laŭ raportas la informagentejo PL, la Internacia Judo-Federacio (IJF) ratifis la ĉeeston de 37 reprezentantoj de Latin-Ameriko kaj Karibio en Parizo 2024.

Konforme al la kvalifika procezo, kiu kulminis en la plej lastatempa Monda Ĉampionado, kaj post la atribuo de universalaj kaj rifuĝintlokoj, estos 20 virinoj kaj 17 viroj kiuj defendos la kolorojn de la regiono en la malsamaj batalartaj turniroj.

Kiel kutime, Brazilo estos la plej reprezentata nacio, kun 13 konkurantoj, sekvata de Kubo (4), Porto-Riko, Meksiko kaj Ĉilio (2).

La kvalifikitaj kubanoj estas la olimpika kaj monda multobla medalisto, Idalis Ortiz kaj Mailin del Toro, en la ina sekso, kaj du viroj, Iván Silva kaj Andy Granda.

Dume, kun po unu judoko estos Argentino, Kolombio, Kostariko, Dominika Respubliko, Ekvadoro, Salvadoro, Gvatemalo, Haitio, Jamajko, Panamo, Paragvajo, Peruo, Venezuelo kaj Urugvajo.

Por la miksita teamkonkurso, nur la sudamerika giganto kvalifikiĝis en ĉi tiu areo, ĉar necesis akiri almenaŭ kvin individuajn lokojn, tri en ĉiu sekso.

Fonto: PL