En la ekonomiaj eventoj de la ĵus finita semajno,  elstaras la Havana Internacia Foiro, Fihav 2023. Prezidento Miguel Díaz-Canel ĉeestis al la inaŭguro de la ĉefa komerca borso en la Insulo, kiu finiĝis post kvin tagoj lasante pozitivan bilancon kun la subskribo de pli ol 150 komercaj kaj juraj instrumentoj, inkluzive de 14 eksportkontraktoj, 10 importkontraktoj, kaj 82 kunlaboraj interkonsentoj kaj intencleteroj. Ferme, la vicĉefministro kaj ministro pri ekstera komerco kaj ekstera investo, Ricardo Cabrisas, dankis tiujn, kiuj daŭre vetas por Kubo, kaj invitis ilin partopreni en la 40-a eldono de Fihav, planita inter la 5-a kaj la 9-a de novembro 2024.

Ekstera itinero

Kuba ĉefministro Manuel Marrero finis sian viziton al Ĉinio kie li efektivigis intensan kaj fruktodonan labortagordon kaj estis akceptita de prezidento Xi Jin Ping. Poste, la ĉefministro vojaĝis al Belorusio kie li renkontiĝis kun prezidento Aleksandr Lukaŝenko kaj kun ĉefministro Roman Golovchenko. Li vizitis produktajn kaj akademiajn centrojn por plifortigi komercajn kaj kunlaborajn ligojn.

Nova Platformo

Preskaŭ samtempe estis prezentita la Ĉina-Latinamerika Industria Parko (Picla), cifereca proviza platformo por antaŭenigi la disvolviĝon de ŝlosilaj sektoroj kaj interligi ambaŭ regionojn kun deirpunkto en Havano. En Hangzhou, ĉefurbo de la ĉina provinco Zhejiang, partoprenis la kuba ĉefministro Manuel Marrero, dum en Havano ĉeestis la vicprezidanto de la Ĉina Popola Politika Interkonsiliĝa Konferenco de tiu municipo Xu Ming.

Enlandaj programoj

Vicprezidento Salvador Valdés travojaĝis teritoriojn de la okcidenta provinco Pinar del Rio por kontroli la plenumon de strategiaj planoj, nutraĵproduktadon kaj la efektivigon de la Nutraĵa Suvereneco kaj Sekureco-Leĝo, inter aliaj aferoj de la sociekonomika vivo de la provinco.
Dume, post vizito de 230 institucioj kaj interparolado kun pli ol sep mil loĝantoj en 37 komunumoj, finiĝis la parlamenta vizito al la centra provinco Cienfuegos, prezidata de Ana Mari Machado, vicprezidanto de la parlamento. Reprezentantoj de la konstantaj komisionoj reviziis la strategiajn planojn kaj la sociekonomikan vivon de la teritorio, procezo antaŭa al  la raporto de la provinca registaro al parlamento.

Turismaj eventoj

Ĉi-semajne la Asocio de Rusaj Turistoj raportis, ke la nombro de rusaj turistoj al Kubo inter januaro kaj oktobro atingis 146 300 homojn, 3,5 fojojn pli ol en la sama periodo en 2022, lokante ĝin en la tria loko, post Kanado kaj Usono, en la listo de landoj kiuj sendas turistojn al la insulo.
Same, Kubo partoprenis en la foiro World Travel Market 2023 kiu okazis en Londono, pro la kreskanta postulo de la angla merkato al la Insulo. Laŭ la aŭtoritatoj de Ministerio de Turismo, la foiro estis promesplena kaj oni aprezis intereson pri diversigado de ofertoj, miksado de naturo, heredaĵo, kulturo ĝenerale, kaj aventurturismo.

Internaciaj novaĵoj

En la internaciaj, la sesa Ĉina Internacia Importa Ekspozicio finiĝis per la subskribo de milion-dolaraj interkonsentoj kaj konfirmis la malfermon de la azia giganto al la mondo. Laŭ la organizantoj, partoprenis ĉirkaŭ 3 400 ekspoziciantoj kaj 394 000 profesiaj vizitantoj el ĉirkaŭ 154 landoj, regionoj kaj tutmondaj organizoj.

Aliflanke, oro konservis sinsekvan tendencon de perdoj, ĉar sekura postulo malvarmiĝis en la merkatoj. Ĉi tiu metalo falis pli ol $ 50 post atingi nivelojn de $ 2,000 la antaŭan semajnon, kiam pliiĝantaj streĉiĝoj en Mezoriento akcelis postulon por sekuraj aktivoj.

Dume, eŭropaj referencoj de Brent naftoprezoj ŝvebis ĉirkaŭ $ 80 per barelo pro pliigitaj zorgoj pri postulo.

Internaciaj projekcioj

En internaciaj projekcioj, de la 15-a ĝis la 17-a de novembro en San-Francisko, Usono, okazos la pintkunveno de Azi-Pacifika Kunlabora Forumo 2023, kiu kunigas 21 ekonomiojn en la mondo, 50% de komerco kaj 60% de la Malneta Enlanda Produkto je tutmonda nivelo. La ĉefaj diskutkampoj fokusiĝos al daŭripovo, cifereca novigado kaj integriĝo kaj speciala emfazo estos donita al mikro kaj malgrandaj entreprenoj.

Enlandaj projekcioj

En la projekcioj de la semajno por Kubo, de la 14-a ĝis la 17-a de novembro okazos en Havano la dek-kvara Renkontiĝo de Internaciaj Ekonomikistoj pri Tutmondiĝo kaj Disvolvaj Problemoj.

Same, la aŭtoritatoj kontrolos strategiajn ekonomiajn programojn, nutraĵproduktadon, energiŝparajn regulojn kaj la bankprocezon.

Fino

Jen  kelkaj momentoj kaj projekcioj de kubaj kaj internaciaj ekonomiaj eventoj, al kiuj ni revenos en estonta informa spaco.

(6-12/11-2023)