La Paz, 6 nov (RHK) La bolivia prezidento, Evo Morales, kunvokis la popolon plu resti unuece kaj labori kun sindevigo kaj sinofero, okaze de  amasa popola renkontiĝo defende de la demokratio en la Placo Maĵora de San Francisco, en La Paz.

Li memorigis ke “kiam la dekstruloj ne povis gajni la elektojn, ili inventis fraŭdon. Nun ni rimarkas ke ne estis fraŭdo, sed puĉo iliaflanke, kaj pro tio ni daŭre defendas la popolajn konkerojn”, li asertis.

Li ankaŭ memorigis ke dum la lastaj jaroj Bolivio estis la lando kun pli granda ekonomia kresko en Sudameriko. Pro tio, defendi tiun ĉi ŝanĝ-procezon estas defendi la sociajn kaj ekonomiajn politikojn, li aldonis.