Vaŝingtono, maj 20 (RHK) La sendependa usona senatano Bernie Sanders prezentos rezolucion por bloki la vendon de misiloj al Israelo kontraŭ 735 milionoj da dolaroj, afero kiu instigas fortajn dividojn en la Kongreso.

"En tempo, kiam bomboj  fabrikitaj en Usono detruas Gazaon kaj mortigas virinojn kaj infanojn, ni ne povas simple permesi ke alia granda armila transakcio okazu sen eĉ debato en la Kapitola Monteto," Sanders diris en deklaro akirita de The Hill.

"Mi kredas, ke Usono devas helpi malfermi la vojon al paca kaj prospera estonteco por israelanoj kaj palestinanoj, ni devas atente analizi ĉu la vendo de ĉi tiuj militaj ekipaĵoj vere helpas atingi ĉi tion, aŭ se ĝi simple nutras la konflikton," aldonis la eksa kandidato al  prezidanteco.

Laŭ The Washington Post, la rezolucio nur postulas simplan plimulton por esti aprobita de la Senato, sed ĝi bezonus la subtenon de du trionoj de leĝdonantoj kaj en tiu leĝdona korpo kaj en la Ĉambro de Reprezentantoj se ĝi estos vetoita de la prezidento Joe Biden.

Kun simila celo, demokrataj kongresanoj Alexandria Ocasio-Cortez, Mark Pocan kaj Rashida Tlaib prezentis rezolucion en la Malsupra Ĉambro merkrede kun la celo bloki la vendon de komunaj rektaj atakaj municioj kaj malgrand-diametraj bomboj al Israelo.

"Dum jardekoj Usono vendis miliardojn da dolaroj en armiloj al Israelo sen eĉ devigi ilin respekti la bazajn rajtojn de la palestinanoj, kaj per tio ni rekte kontribuas al la morto, delokiĝo kaj senrajtigo de milionoj da homoj." Ocasio- Cortez diris en deklaro.

Tamen la rezolucio ankaŭ estas konsiderata plejparte simbola, ĉar ĝi ne atendas esti aprobita de demokrataj gvidantoj favoraj al la vendo de la misiloj al la registaro de Benjamin Netanyahu, des malpli respublikanoj.
Laŭ la ĵurnalo The Hill, ĉi tiu propono substrekas la kreskantajn dividojn inter demokratoj dum la israelaj atakoj kontraŭ Gazao daŭras.

Aliflanke, prezidento Biden diris al Netanyahu merkrede, ke li atendas "signifan malpliigon" de perforto inter Israelo kaj Hamas por meti la konflikton, kiu estas en sia dua semajno, sur la vojon al batalhalto.

Post la telefonvoko, la ĉefministro deklaris, ke li estas "decidita daŭrigi ĉi tiun operacion ĝis ĝi atingos la celon", post kio hieraŭ vespere la israela milita komando pliigis la raketajn atakojn kontraŭ Gazao.

La registaro de Biden sciigis la Kongreson la 5-an de majo, ke ĝi aprobis la vendon al Israelo, sed la plej multaj el tiuj transakcioj postulas 30-tagan Kongresan revizion, kvankam iuj usonaj aliancanoj, inkluzive Israelo, ricevas periodon de du semajnoj.