![](/articles/604-jovenel.jpg)
Porto-Princo, jul 7 (RHK) La prezidento de Haitio, Jovenel Moïse, estis murdita hieraŭ vespere en armita atako, laŭ konfirmis Claude Joseph, provizora ĉefministro de la lando.
Ĉirkaŭ la unua matene, grupo de nekonataj homoj, "iuj el kiuj parolis hispane", atakis la privatan loĝejon de la prezidento kaj mortige vundis lin, diris komuniko.
La unua damo, Martine Moïse, estis pafvundita dum la atako kaj estas kuracata en hospitalo.
Dume, la portempa ĉefministro kaj la Nacia Polico kondamnis "ĉi tiun abomenan, malhumanan kaj barbaran agon", alvokante la loĝantaron trankviliĝi, deklarante, ke la sekureca situacio en la lando "estas sub kontrolo" de la Polico kaj la Armitaj Fortoj.
"Ĉiuj rimedoj estas prenitaj por garantii la kontinuecon de la ŝtato kaj protekti la nacion", diris la deklaro, por konkludi, ke "demokratio kaj respubliko venkos."
Fonto: RT