Karakaso, okt 13 (RHK) La Registaro de la Prezidento de Venezuelo, Nicolás Maduro, denuncos antaŭ internaciaj organizaĵoj la murdon de du venezuelaj adoleskantoj en kolombia teritorio pasintan sabaton, mane de neidentigitaj armitaj civilaj grupoj.
Post sendado de oficiala komunikado al la Ĝenerala Prokurorejo de Kolombio, la plenuma vicprezidanto de Venezuelo, Delcy Rodríguez, raportis, ke, fronte al la "abomena murdo de venezuelaj infanoj", Maduro instrukciis ministron pri eksterlandaj aferoj Félix Plasencia, ke li plendu ĉe la Sekretario Ĝenerala de Unuiĝintaj Nacioj (UN), António Guterres, kaj antaŭ la Alta Komisaro pri Homaj Rajtoj, Michelle Bachelet, "por ke ĉi tiu krimo ne restu senpuna."
El Karakaso ili esprimis indignon post la kazo de la du adoleskantoj, de venezuela nacieco, kiuj estis akuzitaj pri rabado de komerca establaĵo en la kolombia komunumo Tibú, en la departemento Nordo de Santandero.
Anstataŭ telefoni al la aŭtoritatoj, la komercistoj ligis la du adoleskantojn per la manoj, submetis ilin al mokado kaj dokumentis la kontraŭleĝan retenadon en filmeto cirkulita sur sociaj retoj. Minutojn poste, la du neplenaĝuloj estis supozeble kidnapitaj de aŭtomobilistoj kaj poste trovitaj murditaj per pafo al la kapo, laŭ raportoj de lokaj amaskomunikiloj.
Post ĉi tiuj eventoj, la ĝenerala prokuroro de Venezuelo, Tareek William Saab, sendis oficialan komunikadon al sia kolombia samrangulo, Francisco Barbosa, petante kunlaboron por klarigi la eventojn kaj difini respondecojn.
"La ĝenerala prokuroro de Kolombio devas respondi. Lia silento, se jes, klare esprimos komplicecon kun ĉi tiu brutala ago, kiu funebras venezuelajn hejmojn," Saab diris en gazetara konferenco.
Saab bedaŭris, ke la kazo de la venezuelaj neplenaĝuloj ne estas "izolita evento" en Kolombio.
Laŭ informoj cititaj de la prokuroro, ĉirkaŭ 1.933 venezuelaj migrantoj estis murditaj en kolombia teritorio kaj aliaj 836 estis raportitaj kiel malaperintaj en ĉi tiu najbara lando, nur en la periodo inter 2015 kaj 2020.
"La homicida indico de la venezuela loĝantaro estas 2,8 fojojn pli alta ol tiu de la resto de la loĝantaro en Kolombio," diris Saab.
Ĉi-kuntekste, Rodríguez raportis, ke la Registaro ekagos tiurilate. "Venezuelo aktivigos ĉiujn internaciajn mekanismojn por protekti niajn migrantojn en Kolombio", diris la vicprezidanto, kiu laŭ sia opinio estas "viktimoj de la malamo kaj persekutado de la politikoj de la altaj aporofobiaj aŭtoritatoj."
"La krimo okazinta en Tibú kontraŭ venezuelaj infanoj ne restu senpuna," Rodríguez diris en Tvitero.
Fonto: RT
