Rusio kaj Ĉinio intensigas sian kunlaboran rilaton
Moskvo, jun 1 (RHK) Rusa ministro pri eksteraj aferoj Sergeo Lavrov emfazis merkrede la strategian naturon de kunlaboro en energiaj aferoj inter sia lando kaj Ĉinio.
"Rusio kaj Ĉinio efektivigas ĉiujn aprobitajn kunlaborajn programojn. Energia kunlaboro akiris strategian karakteron. Gravaj projektoj en la kampoj de industrio, agrikulturo kaj transportado estas efektivigataj," aldonis la ministro pri eksteraj aferoj en internacia konferenco dediĉita al la ĉina-rusaj rilatoj.
Same, la estro de diplomatio de la eŭrazia nacio pripensis la intencon de ambaŭ landoj pliigi la uzon de naciaj valutoj en siaj pagoj.
"En tempo, kiam Usono kaj Eŭropa Unio transformis siajn valutojn en instrumenton de ĉantaĝo, ni intencas evoluigi sendependan financan infrastrukturon kaj signife pliigi la uzon de la rublo kaj la juano en pagoj inter niaj landoj", diris Lavrov.
Ĉi-rilate li aldonis, ke kvarono de la komerca interŝanĝo inter Rusio kaj Ĉinio jam efektiviĝas per la uzo de naciaj valutoj.
Tiusence, la rusa ĝenerala konsulo en la landlima urbo Ĥarbino, Vladimir Oschepkov, deklaris en intervjuo kun la novaĵagentejo Sputnik, ke "de januaro ĝis aprilo 2022, en la urbo Suifenhe, pagoj kun rusaj ekvivalentoj superis 840 milionojn da juanoj ( pli ol 128 milionoj da usonaj dolaroj), 370% pli ol en la unuaj kvar monatoj de la pasinta jaro."
En la deklaro publikigita de la novaĵagentejo TASS, la ĉina ento precizigis, ke la kresko de importado evidentiĝas en 1,43 milionoj da tunoj pli ol en la sama periodo de 2021.
Laŭ la publikigitaj datumoj, laŭ valoro, la importo de ĉi tiu rusa energiportilo pliiĝis 2,45 fojojn, por kvanto de 1,32 miliardoj da dolaroj.
La dogana ento de la azia giganto raportis, ke laŭ fizika volumo de LNG-provizoj al sia lando, la eŭrazia nacio leviĝis de la sesa ĝis la kvara loko inter provizantoj de ĉi tiu objekto.
La kresko de rusaj eksportoj de brulaĵoj kaj aliaj provizoj al Ĉinio respondas al la registara strategio de Moskvo diversigi siajn energiproduktojn al aziaj nacioj, antaŭ la lavango de ekonomiaj sankcioj truditaj de Okcidento, inter kiuj elstaras la embargo pri ĝia nafto.
En tiu ordo, prezidento Vladimir Putin certigis komence de la jaro, ke la dulandaj rilatoj kun Ĉinio atingis senprecedencan nivelon kaj nuntempe fariĝas "referenco de efikeco, respondeco kaj aspiro al la estonteco" por la mondo.
Fonto: PL
