Foto: PL
Pekino, aŭg 8 (RHC) Ĉinio esprimis lundon sian volon doni helpon al Kubo por resaniĝi post la grandskala fajro, kiu tuŝis fuelbazon en la urbo Matanzas.
Wang Wenbin, proparolanto de la Ministerio de Eksteraj Aferoj, montris, ke ambaŭ landoj estas bonaj amikoj kaj fratoj, esprimante solidarecon kun la popolo kaj registaro de la lando.
Li ankaŭ etendis kondolencon al la familioj de tiuj vunditaj kaj forpasintaj dum la tragedio.
Antaŭe, la proparolanto de la ĉina Ministerio pri Eksteraj Aferoj, Hua Chunying, parolis en similaj esprimoj pri la okazaĵo kaj priskribis ĝin kiel dolora.
Tiel Ĉinio aliĝas al aliaj landoj en la mondo, personecoj kaj organizaĵoj, kiuj montras subtenon al fakto, kiu denove ŝokis la tutan popolon de la kariba nacio.
La fajro komenciĝis vendrede posttagmeze kiam, dum forta ŝtormo, fulmo trafis unu el la gigantaj ujoj de kruda petrolo kaj deĉenigis la fajron ĉe la superpetroltanko en la industria zono de Matanzas.
La aŭtoritatoj petis internacian helpon kaj jam ricevis teamojn de specialistoj el Meksiko kaj Venezuelo, dum Rusio, Nikaragvo, Argentino kaj Ĉilio ankaŭ proponis helpon por kontraŭbatali la okazaĵon.
Simile, la usona registaro proponis teknikajn konsilojn, kiuj estas en la manoj de kubaj specialistoj por taŭga kunordigo.
Foto: PL
