Ramallah, nov 13 (RHK) Hodiaŭ Israelo daŭrigas siajn armeajn operaciojn en Gazao dum daŭrigas la sieĝon kontraŭ oficejoj, lernejoj kaj hospitaloj de Unuiĝintaj Nacioj, kie rifuĝas miloj da vunditoj kaj delokitaj homoj.
La Monda Organizo pri Sano (OMS) diris ĉi-lunde, ke ĝi perdis kontakton kun la hospitala komplekso Al Shifa, dum alia hospitalo en la ĉefurbo de Gaza, Al Quds, ne plu funkcias pro manko de fuelo.
Okulaj atestantoj raportis hodiaŭ, ke miloj da homoj fuĝis de Al Shifa, la plej granda hospitalo en Gazao, dum la batalo preskaŭ atingas ĝiajn pordojn, kvankam centoj da pacientoj restas interne.
La palestina Ministerio pri Sano indikis, ke ĉirkaŭ tri mil kuracistoj kaj pacientoj ankoraŭ estas en la hospitalo kune kun preskaŭ 20 mil delokitoj tie rifuĝantaj.
Dume, la israela armeo konfirmis ĉi-lunde sian operacon por la dua sinsekva tago en la rifuĝejo Al Shati, en la nordokcidento de Gaza-urbo proksime de la marbordo, kaj agnoskis la morton de 44 el siaj soldatoj ekde la komenco de la invado de tiu ĉi marborda enklavo.
Aliflanke, la Ĉefministro de la Palestina Aŭtoritato, Mohamad Shtayé, hodiaŭ postulis la malfermon de nova mara humanitara koridoro el Kipro por faciligi la liveron de helpo al la Gaza Zono, krom tiu en Rafah, ĉe la landlimo kun Egiptio.
Shtayé indikis, ke la palestinaj aŭtoritatoj jam proponis la malfermon de tiaspeca koridoro pro la manko de sufiĉa helpo por servi la loĝantaron de Gazao, kie jam mortis pli ol 11 180 homoj.
Dume, la Agentejo de Unuiĝintaj Nacioj por Palestinaj Rifuĝintoj (UNRWA) raportis ĉi-lunde, ke unu el siaj loĝejoj en la sudo de Gazao ricevis tri rektajn trafojn la antaŭan tagon de marameaj bombadoj de israelaj trupoj, kiuj kaŭzis gravajn damaĝojn sed neniujn viktimojn.
La internacia organizaĵo rememoris, ke ĝiaj konstruaĵoj kaj instalaĵoj nuntempe gastigas preskaŭ 780 000 forlokitojn, kiujn oni devas ĉiam protekti.
Fine oni eksciis, ke la israela Sekureca Kabineto malpermesis la elsendojn en tiu lando de la libana televidkanalo Al Mayadeen, kun la preteksto, ke ĝiaj dissendoj damaĝis la sekurecon de la Ŝtato kaj estos blokitaj. Ĉi tiun saman lundon, ordono estis eligita por konfiski iliajn elsendajn ekipaĵojn.
Fonto: PL
