Foto: PL

Havano, feb 28 (RHK) Israelaj atakoj plu  daŭras hodiaŭ fokusitaj al la urboj Gazao, Rafah kaj Khan Yunis, kie estis raportitaj multaj palestinaj mortoj kaj vunditoj.

En sia plej lastatempa raporto pri la situacio, la sanaj aŭtoritatoj de la teritorio indikis, ke 96 civitanoj perdis la vivon kaj 172 vundiĝis en la lastaj 24 horoj.

La Armeo eksplodigis plurajn hejmojn okcidente de Khan Yunis, dum artilerio bombardis diversajn areojn de tiu urbo, la epicentro de surtera ofensivo dum semajnoj, raportis la oficiala novaĵagentejo Wafa.

En Gazao, kolizioj daŭris inter Hamas-milicanoj kaj soldatoj, kiuj provas eniri la centron de la kvartalo Al-Zaytoun, situanta sudokcidente de la metropolo.

Dume, la humana krizo en la teritorio plimalboniĝas pro la israelaj blokado kaj atakoj.

Laŭ la Populacio-Fonduso de UN, en Al-Helal Al-Emairati Maternity Hospital en Rafah, novnaskitoj mortas ĉar patrinoj ne povas ricevi antaŭnaskan aŭ postnaskan zorgon.

Siaflanke, la televido Al Jazeera raportis, ke dujara knabo nomata Khaled mortis post manĝado de pano farita el besta nutraĵo en la nordo de la Strio.

La manko de manĝaĵo estas pli grava en la norda parto de la enklavo pro la malfacilaĵoj truditaj de soldatoj al humanitaraj organizaĵoj por transporti helpkonvojojn de la sudo.

Ekde la komenco de la nuna ciklo de perforto, la 7-an de oktobro, pli ol 29 800 palestinanoj mortis en la Strio kaj aliaj 70 200 vundiĝis.

Fonto: PL