Prezidento Plestina Mahmoud Abbas

Havano, apr 19 (RHK) Prezidento Mahmoud Abbas kondamnis la usonan vetoon de projekto de rezolucio en la Sekureca Konsilio, kiu blokis la aliĝon de Palestino kiel plena membro de UN.

En deklaro, la palestina Prezidanteco asertis, ke la pozicio de Vaŝingtono estas maljusta, malmorala kaj nepravigebla dum ĝi kontraŭas la volon de la internacia komunumo.

Ĉi tiu usona politiko al Palestino kaj ĝia popolo reprezentas flagran agreson kontraŭ internacia juro kaj instigas la daŭrigon de la israela genocido kontraŭ la Gaza Zono kaj Cisjordanio, li emfazis.

Li avertis, ke ĝi ankaŭ "puŝas la regionon eĉ pli al la rando, pro la daŭra israela okupado."

Tiurilate li akuzis Israelon plenumi militkrimojn sub la aŭspicioj kaj subteno de Usono.

La nova vetoo malkaŝas la kontraŭdirojn de la usona politiko, kiu celas, unuflanke, subteni la duŝtatan solvon, malhelpante ke UN efektivigu tiun strategion, li emfazis.

La Prezidanteco avertis, ke paco, sekureco kaj stabileco en Mezoriento dependas de la efektivigo de internaciaj rezolucioj pri Palestino.

Tiurilate li defendis la rajton de la palestina popolo al memdeterminado kaj la starigon de sendependa ŝtato kun Orienta Jerusalemo kiel ĉefurbo.

Same, li dankis la membroŝtatojn, kiuj voĉdonis favore al la projekto kaj asertis, ke tutmonda subteno estas pruvo, ke la mondo estas unuigita apud la valoroj de justeco, libereco kaj paco, kiujn reprezentas la palestina afero.

Fonto: PL