Foto: PL
Havano, jun 24 (RHK) Ĉinio esprimis sian maltrankvilon kaj opozicion al la lastatempaj limigoj anoncitaj de Usono, kiuj celas limigi la investojn de la nordamerika lando en la azia giganto.
La Komerca Ministerio emfazis, ke Vaŝingtono devas respekti la leĝojn de la merkata ekonomio kaj la principon de justa konkurenco, krom ĉesi politikigi kaj armiligi ekonomiajn kaj komercajn aferojn.
"Kvankam Usono plurfoje emfazis, ke ĝi ne intencas 'malkunligi' de Ĉinio aŭ malhelpi la ekonomian disvolviĝon de la lando, ĝi insistis pri eldonado de la proponita regulo, kiu limigas usonajn kompaniojn investi en Ĉinion kaj subpremas la normalan disvolviĝon de ĉinaj industrioj,” deklaris proparolanto de tiu ministerio.
Laŭ la proparolanto, la decido konsistigas tipan ĝeneraligon de la koncepto de nacia sekureco kaj kontraŭdiras la konsenton atingitan de la du ŝtatestroj en la Pintkunveno de San Francisco pasintjare.
Por la Komerca Ministerio, ĉi tiu nordamerika agado "tuŝas normalan ekonomian kaj komercan kunlaboron inter ĉinaj kaj usonaj kompanioj, interrompas la internacian ekonomian kaj komercan ordon kaj kompromitas la sekurecon kaj stabilecon de tutmondaj industriaj kaj provizoĉenoj."
La Usona Departemento de Trezoro publikigis avizon lastan vendredon pri la proponita reguligo de investoj de usonaj kompanioj kaj individuoj en ĉinaj teknologioj.
Se ĝi efektiviĝos, la regulo malpermesus transakciojn implikantajn produktojn kiel semikonduktaĵojn kaj mikroelektronikon, kvantumajn informajn teknologiojn kaj artefaritan intelekton, kiujn Vaŝingtono konsideras aparte grava minaco al nacia sekureco.
Fonto: PL
