![](/articles/cropped/EKq1-27648551-f0424538jpgvenezuela.jpg)
Foto: Prensa aminComunas
Havano, aŭg 26 (RHK) Ĉi-dimanĉe la venezuela popolo mobiliziĝis en la Dua Tutlanda Popola Konsulto de la jaro, kiel signo de la rekta, partoprena kaj gvida demokratio defendita de la Bolivara Revolucio.
Ĉirkaŭ 4 505 komunumaj cirkvitoj estis aktivigitaj tiel ke civitanoj pli ol 15-jaraj povis elekti, per balotrajto, la projektojn kiujn ili deziras prioritati en lokoj kiel ekzemple edukado, elektro, sano, kaj sportoj.
Post kiam ĉiu komunumo determinos, per plimulta voĉdono, unu el la sep proponoj, kiujn ĝi antaŭe proponis en komunumaj asembleoj, la Registaro estos komisiita financi ĝin, por profitigi familiojn en esencaj sektoroj de la landa vivo.
Ĉi tiu stadio estis atingita, danke al la populara kaj strategia konscio de la Ŝtato kaj la loĝantaro, emfazis Jorge Arreaza, Plenuma Sekretario de ALBA-TCP.
«Unu el la kvin povoj de la lando, la Civitana Povo, estas organizita por uzi la kapitalon generitan de impostoj, petrolo kaj aliaj rimedoj. En Venezuelo la popolo regas”, diris la ankaŭ Vicprezidanto de Komunumoj kaj Sociaj Movadoj de la PSUV.
Aliflanke, dum la semajnfino la Ĝenerala Prokuroro de la Respubliko, Tarek William Saab, faris alvokon por ke la eksa prezidenta kandidato Edmundo González Urrutia prezentu sin antaŭ la Publika Ministerio hodiaŭ lunde.
Kiel establite de la leĝo, li devas ĉeesti laŭ deviga bazo por respondi pri la supozata komisio de la krimoj de uzurpo de funkcioj, forĝado de publika dokumento, instigo al malobeo de la leĝoj, komputilaj krimoj, asocio por fari krimon kaj konspiron, kiel parto de la daŭranta enketo kontraŭ li.
Fonto: Granma