Estis decidite ke la indiĝenaj popoloj de la nordoriento de Brazilo kaj la movado de laboristoj senhejmaj, subtenos la reelektiĝon de la brazila prezidentino Dilma Rousseff en la dua rondo de elektoj.
 
La decido subteni duan mandaton de Rousseff estis farita  dum kunsido okazinta en Braziljio, la federacia ĉefurbo, kun reprezentantoj de la komitato por la kampanjo de la prezidentino.
 
La vickunordiganto de la asocio de la indiĝenaj popoloj de la nordoriento, Dourado Tapeba, asertis ke estis konsento por ke ĉiuj aborigenoj de la lando voĉdonu favore al la prezidentino, kandidatiĝinta pro la partio de la laboristoj (PT).
 
Li emfazis ke “voĉdoni por Dilma estas certigi la kontinuecon de la sociaj programoj, de la sekureco nutra  kaj nutriga kaj ankaŭ por senbarigi la procezon por fiksi la indiĝenajn rezervojn..
 
Li precizigis ke la gravaj progresoj atingitaj en la tertransdono heredigita de siaj antaŭuloj, kio okazis kun la registaro de Luiz Inacio Lula da Silva inter 2003 kaj 2010, devas ripetiĝi en la dua mandatperiodo de la nuna prezidentino.
 
Krom tiuj  grupoj,  pli ol 200 gvidantoj sindikataj el la tuta lando, ligitaj al la ĉefaj sindikatoj kiel la centralo unika de laboristoj (CUT), sindikata forto kaj nova centralo, inter aliaj, same subtenas la venkon de Dilma la venontan 26an de oktobro.