Foto: PL

Havano, okt 30 (RHK) La dua tago de la altnivela segmento de la Konferenco de Unuiĝintaj Nacioj pri Biodiverseco (COP16) okazos hodiaŭ en la Centro de Eventoj de Pacific Valley kun la partopreno de pluraj ĉeestantaj delegacioj.

La kunsido daŭrigas tiun, kiu komenciĝis la antaŭan tagon, en kiu parolis la ĝenerala sekretario de Unuiĝintaj Nacioj, António Guterres, kaj ses aliaj ŝtatestroj, inkluzive de la prezidento de Kolombio, Gustavo Petro.

Partoprenis ankaŭ kvin eksteraferaj ministroj, 114 ministroj, 33 vicministroj, 25 altnivelaj reprezentantoj kaj 81 organizaĵoj, agentejoj kaj neregistaraj organizaĵoj el 150 landoj.

La prezidanto de COP16, Susana Muhamad, menciis, ke la ĉeesto de la ŝtatestroj en ĉi tiu forumo, en kiu unuafoje okazas altnivela segmento, pliigas la gravecon de ĉi tiu tipo de kunveno.

Ankaŭ estis prezentita la Koalicio Paco kun Naturo, propono kiu respondas al la alvoko de la kolombia Registaro mobilizi civitanojn al la protekto de biodiverseco meze de la triobla planeda krizo de klimata ŝanĝo, perdo de biodiverseco kaj poluado.

22 landoj, 40 tutmondaj organizoj kaj preskaŭ 80 mil homoj jam aliĝis al ĉi tiu iniciato.

Laŭ la ĝenerala sekretario de Unuiĝintaj Nacioj, António Guterres, la tasko, kiu difinos la 21-an jarcenton, estos fari pacon kun la naturo.

Fonto: PL