Havano, 22 aŭg (RHK) La kuba prezidento Miguel Díaz-Canel, esprimis sian profundan solidaremon al la registaro kaj popolo venezuela, depost tertremo de 6,9 gradoj je 19 km disde la loĝloko nomata Yaguaraparo, de la ŝtato Sucre.
La kuba prezidento diskonigis sian mesaĝon per la konto de Twitter de la ministerio pri eksteraj rilatoj, per kiu li transdonis sian solidaremon ankaŭ al la registaro kaj popolo de Trinidado kaj Tobago, kie ankaŭ sentiĝis la efikoj de la menciita tertremo.
En ambaŭ mesaĝoj, Díaz-Canel konfirmis la pretecon de Kubo subteni laŭeble kaj esprimis la disponeblecon de la kubaj kunlaborantoj por ambaŭ landoj.
La tertremo okazis je la 5.30 pm de tiu ĉi mardo kaj estis perceptata ankaŭ en la ŝtatoj de Nueva Esparta, Sucre, Monagas, Bolívar, Delta Amacuro, Aragua, Carabobo kaj la ĉefurba distrikto, sed oni ne raportis viktimojn ĝis la fino de tiu nokto.
La informon sciigis la ministro de la popola povo por la internaciaj rilatoj, justico kaj paco de Venezuelo, Néstor Reverol, kiu aldonis ke la respondecaj organismoj kunordigas la procezon por pritaksi la situacion, la eblajn damaĝojn kaj la bezonaĵojn rezultontajn.
