La 1-an de majo okazos en la Placo de la Revolucio de Havano la centra marŝado omaĝe al la internacia tago de la laboristoj, kiun ĉi foje gvidos la sindikato de la kubaj sanlaboristoj, kaj same okazos en aliaj ses provincoj kaj kelkaj distriktoj tra la tuta lando.
La doktorino Raquel Toledo Padilla, membro de la nacia sekretariejo de la sindikato, klarigis ke pli ol 50 mil gelaboristoj marŝados en Havano, interalie, 10 mil flegistinoj.
La devizoj de tiu ĉi ceremonio estas organizo, beleco, amaseco kaj disciplino; ankaŭ partoprenos la marŝadon gelaboristoj el 41 hospitaloj, esplorinstitutoj kaj entreprenoj de la sansektoro, plus gestudentoj inkluzive de la Latinamerika Lernejo de Kuracistoj (ELAM).
La doktorino klarigis ke ankaŭ familianoj kaj loĝantoj proksimaj al diversaj hospitaloj, poliklinikoj kaj aliaj similaj institucioj aliĝos al la marŝado, kies koloro estos markita de la blanko kunportante kubajn flagojn aldone al la flagoj de 68 landoj kie nuntempe laboras en diversaj misioj pli ol 40 mil kubanoj de tiu ĉi sektoro.
Rilataj Artikoloj
Komentarioj
Lasu komentarion
Ĉiuj kampoj bezonatasPliaj Vidaĵoj
- Ke ĉiuj sociekonomiaj agantoj alportu al la ekonomia evoluo
- Kubo esprimas solidarecon kun la vicprezidento de Kolombio
- Nova komisiono por virina agado: por sociaj rajtoj en la esperanta komunumo
- Kuba prezidento sendas mesaĝon al kunveno altnivela en Ĉinio
- UN denuncis humanitaran krizon en Gazao pro israela agreso