Havano, maj 30 (RHK) La nacia direktoro pri epidemiologio de la ministerio de publika sano de Kubo, dro. Francisco Durán, informis hodiaŭ ke je la fermo de tiu ĉi vendredo, oni konfirmis 20 novajn kazojn pozitivajn de Covid-19 por totalo de 2025  personoj kaj unu  forpasinton.

Je sama dato, estas enhospitaligitaj por kontrolo epidemiologia  448  pacientoj. Aliaj  1617 personoj estas kontrolataj hejme tra la baza sanatento.

En tiu ĉi tago oni analizis 2015 samplojn, el kiuj 20 estis pozitivaj kaj la lando jam akumulas 103 123  studitajn samplojn kaj 2025 pozitivojn.

La  novaj kazoj konfirmitaj estis kubanoj. El ili ĉiuj  estis kontaktoj de konfirmitaj kazoj. El ĉiuj konfirmitaj kazoj 89,47% estas kontaktoj de antaŭaj pozitivoj dum 132 el la kazoj venas el eksterlando. El la totalo konfirmita 51,1% estas sen simptomaj.

El la novaj kazoj  17 estis virinoj. El la 2025 pacientoj diagnozitaj, 145 restas enhospitaligitaj kiel aktivaj kazoj. La nombro da forpasintoj entute estas je 83, kun indikilo de morteco je 4,09% sub la nivelo de la amerika regiono. Kubo restas je la pozicio 16 rilate la mortec-indikilon en la regiono. Restas la nombro da  du eksterlandanoj evakuitaj al siaj respektivaj landoj kaj 1795  jam rekuperiĝintaj ( 35 pliaj hieraŭ). Neniu paciento estas en kriza stato kaj 3 en grava stato.

Ĝis sama dato la mondo akumulas pli ol   5 milionojn da kontaĝitoj pro tiu ĉi malsano kun indikilo de morteco je  6,23 % dum la amerika regiono havas proksimume 50,0% el ĉiuj kazoj en la mondo. La nombro da konfirmitoj estas pli ol 2 milionoj kaj duono. La nombro da forpasintoj  en la regiono montras indikilon de  morteco je  5,77%.

Spite al la favora evoluo de la malsano en Kubo, la aŭtoritatuloj insistas pri la bezono plu gardi la socian izoliĝon por eviti revigliĝon de la nova kronviruso.

Dume la kuba registaro pritaksas la evoluon kaj preparas strategion por iri al rekuperiĝo kiam venu la momento en la venontaj monatoj.