Havano,  sep 10 (RHK) La  ministerio de publika sano de Kubo,  per la  dro. Francisco Durán estro de epidemiologio, informis  ke je la fermo de tiu ĉi merkredo, oni konfirmis  92 novajn kazojn pozitivajn  kaj du forpasintojn de Covid-19. La totalo akumulita de malsaniĝintoj estas je  4551.

Je sama dato, estas enhospitaligitaj por kontrolo epidemiologia  1614 pacientoj. En tiu ĉi tago oni analizis 7569  samplojn kaj la lando jam akumulas 462 293 studitajn samplojn. Totalo de aktivaj kazoj pozitivaj estas 664 pacientoj.

En Kubo,  ĝis hodiaŭ,  el ĉiuj konfirmitaj kazoj 89,4% estas kontaktoj de antaŭaj pozitivoj dum  totalo de  428 personoj estis kontaĝitaj  eksterlande. El la totalo konfirmita 58,9% estis sen simptomaj. El la totalo hodiaŭa 50 estas de Havano, 27 de Ciego de Ávila, en la centra regiono, kaj aliaj de Artemisa, Mayabeque, en la okcidento kaj Sancti Spiritus en la centro de la insulo, plu  1 importita. Ankaŭ 1 eksterlandano laboranta en Kubo.

La nombro da forpasintoj entute estas je 106  kun indikilo de morteco je 2,32% sub la nivelo de la amerika regiono. Kubo restas je la pozicio 22 rilate la mortec-indikilon en la regiono kaj en la pozicio 114 en la mondo. Restas la nombro de  du eksterlandanoj evakuitaj al siaj respektivaj landoj kaj 3779  jam rekuperiĝintaj (52 pliaj hieraŭ). Dek    pacientoj  estas en grava stato kaj 2 en kriza stato.

Ĝis sama dato la mondo akumulas iom pli ol   27 milionojn da kontaĝitoj pro tiu ĉi malsano kun indikilo de morteco je  3,25 % dum la amerika regiono havas ĉirkaŭ  53% el ĉiuj kazoj en la mondo. La nombro da konfirmitoj estas pli ol 14 milionoj. La nombro da forpasintoj  en la regiono montras indikilon de  morteco je  3,47%.

Kubo  trapasas rekuperiĝan fazon, tamen,   Havano estas en   fazo de loka transmisiado,  tial la urbo travivas  etapon per limigaj regulaĵoj cele bremsi la kontaĝon kaj same okazas en la centra provinco Ciego de Ávila.

Oni  intensigas la kontrolojn de kontaktoj kaj altigas la nombron da  testoj  pro la malfavora evoluo dum la lastaj du semajnoj tra la tuta lando, ankaŭ en provincoj kie ne ekzistas loka transmisio de la viruso.