Havano, jun 8 (RHK) En Kubo, en ĉi tiu momento, la nepardonebla afero estus ĉesi, resti senmova, ne aĉeti tempon por kiam venos pli bonaj momentoj. 

Tiajn konceptojn dividis kaj klarigis, de la Palaco de la Revolucio, la Unua Sekretario de la Centra Komitato de la Komunista Partio kaj Prezidento de la Respubliko, Miguel Díaz-Canel Bermúdez.

«Ĉi tie oni devas iomete elŝiri problemojn ĉiutage. La plej malbona afero estas ĉesi," diris la ŝtatestro, aldonante la ideon, ke "oni ĉiam povas fari pli."

Lia pripensado okazis dum la ĉiumonata videokonferenco kun la guberniestroj de ĉiuj provincoj kaj la urbestro de la speciala municipo Insulo de la Junularo.

Díaz-Canel taksis la progreson de prioritataj programoj kiel loĝado kaj manĝaĵproduktado, krom analizi la epidemiologian situacion de Kovim-19.

En virtuala kunveno kun aŭtoritatoj de ĉiuj provincoj, la intendanto de la  Speciala Municipo Insulo de la Junularo kaj reprezentantoj de la Registaro kaj la Komunista Partio, la prezidento eksciis, ke fine de majo 7 389 nemoveblaĵoj estis finkonstruitaj per ŝtataj planoj, subvencioj kaj memklopodoj.

Laŭ raporto de la nacia televido, tio reprezentas 17 % de la pli ol 44 600 hejmoj planitaj por ĉi tiu jaro.

Fronte al nesufiĉaj rimedoj en la konstrutempo, la ĉefministro de la respubliko, Manuel Marrero, pledis por mobilizi la forton de la komunumoj kaj difini lokajn evoluigajn projektojn por respondi al ĉi tiu politiko.

Dum revizio de la programoj de  nutra suvereneco kaj teritoria memprovizado, precipe rilate al la printempa sezono de diversaj kultivaĵoj, oni raportis, ke la planita plano plenumiĝas je 82%.

La ministro pri publika sano, José Ángel Portal, memorigis, ke en pasinta majo la kariba lando registris la plej altajn ciferojn  de ĉiutagaj infektoj kun Kovim-19 en unu monato, ankaŭ de pacientoj en grava aŭ kriza stato, kaj ankaŭ de mortoj.

Pri la imuniga strategio kontraŭ la malsano en riskaj grupoj kaj teritorioj, li detaligis ke  miliono 745 588 homoj jam ricevis almenaŭ unu dozon de la kubaj vakcinaj kandidatoj en fazo III de klinikaj provoj, Soberana 02 kaj Abdala, kio reprezentas  15,5%  de la loĝantaro.

Simile 941 mil 499 loĝantoj havas la duan dozon de la imunogeno, tio estas 8,4%; dum la kompletan skemon havas 157 625 homoj, emfazis la ministro.

Punkto en la tagordo estis ankaŭ la stato de infana morteco en la insula teritorio, kiu kreskas ĝis 6,7 por ĉiu cent mil vivnaskitoj.

Inter la kaŭzoj de la indikilo estas manko de postulo kaj kontrolo en la obstetraj kaj neonatologiaj servoj de sanaj institucioj, la malfruo en la akcepto de gravedaj virinoj al patrinaj hejmoj kaj la malbona konstrua stato de ĉi tiuj, la raporto specifis.

La enkonduko de novaj komercaj teknikoj, kaj la bezono esti preta kaj atentema pri la ebla pliiĝo de pluvoj en la venontaj tagoj, estis aliaj temoj diskutitaj en la kunveno.

fonto: PL