Havano, dec 27 (RHK) Fakuloj de Usono kaj Kubo rekonis la respondon de la kariba nacio en la konfrontiĝo kun Kovim-19 kiel kunordigita kaj ampleksa, artikolo en la loka gazetaro publikigita hodiaŭ.

La teksto, subskribita de esploristoj de la Universitato de Alabamo, en la nordamerika urbo Birmingham; kaj la Instituto de Tropika Medicino Pedro Kourí, en Kubo, elstarigis diferencojn en la traktado de la pandemio en ambaŭ landoj, kun pli bonaj rezultoj por la insulo.

"Kvankam Kubo kaj Usono diferencas unu de la alia multmaniere, iliaj respektivaj spertoj, precipe la rezultoj, montras klarajn fiaskojn en Usono", emfazis la eseo.

La pli kunordigita kaj ampleksa respondo al la malsano en la antila lando rezultigis signife pli bonajn rezultojn kompare kun Usono, li aldonis.

"En Kubo, la Ministerio de Publika Sano prenis respondecon je ĉiuj niveloj: de la liverado de sanservoj ĝis la konservado de la universaleco kaj pagebleco de la sistemo eĉ antaŭ tutmonda sankrizo", ĝi aldonis.

Dume, en Usono, malcentralizita strukturo permesis disiĝon de aŭtoritato kaj respondeco inter multnombraj federaciaj kaj ŝtataj instancoj, kaj klara gvidanto ne aperis, emfazis la teksto.

La organizo de la kuba kaj usona sansistemoj estis ĉefa determinanto de ilia respondo al la pandemio ĉar, respektive, ili produktis konsistencon kaj klaran direkton, aŭ malorganizadon kaj kontraŭdiran gvidadon.

La respondo al pandemio dependas multe de sanprotektaj reguloj kaj decida gvidado, kiujn multaj usonanoj perceptis kiel malobservo de individua libereco, la artikolo agnoskis.
En Kubo, la alpreno de striktaj kontroliniciatoj kaj la plenumo de la registara gvido de la plimulto de la loĝantoj sendube faciligis la sukcesan respondon al Kovim-19.

"Neniu  lando venkis la pandemion, kaj plia esplorado povas ekzameni eblajn diferencojn en la malstreĉiĝo aŭ plifortigo de limigoj rilate al Kovim-19 en Kubo kaj Usono kaj la postaj efikoj," ĝi diris.

Samtempe, la teksto rekonis la efikon de vakcinoj kaj iliajn novajn defiojn por ambaŭ landoj.

Estontaj studoj povas ekzameni komparajn sukcesojn por identigi efikajn distribuajn kaj administrajn strategiojn, ĝi finis.

Fonto: PL