Díaz-Canel kaj kubanoj en Nikaragvo
Havano, jan 11 (RHK) Miguel Díaz-Canel, prezidento de Kubo, renkontiĝis ĉi-lunde kun grupo de siaj samlandanoj, kiuj loĝas en Nikaragvo, kaj certigis, ke la kariba nacio daŭre plivastigos la dialogon kun sia elmigrantaro.
En sia unua agado post alveno al la centramerika lando, Díaz-Canel asertis, ke kiam la nuna pandemio tion permesos, okazos la pendanta kunveno de La Nacio kaj Elmigrado, raportis la Prezidanteco de Kubo en la socia reto Twitter.
En renkontiĝo kun kubanoj loĝantaj en #Nikaragvo, la prezidanto @DiazCanelB certigis, ke #Kubo daŭre vastigos la dialogon kun sia elmigrantaro.
La kuba prezidento partoprenis la ceremonion de enposteniĝo de la nikaragva prezidento Daniel Ortega.
Li asertis ke kune en la koncepto de Patrujo kaj en ĝia senkompromisa defendo, en fideleco al ĝiaj revolucioj kaj en heroa rezisto al la samaj malamikoj, ambaŭ landoj havas, en siaj principoj, la ĉefajn kialojn de sia frateco.
Kiel konstatis en Tvitero la Ministro pri Eksteraj Aferoj de Kubo, Bruno Rodríguez Parrilla, la vizito de Díaz-Canel al Nikaragvo estos okazo por daŭre profundigi la politikan dialogon kaj pligrandigi ligojn inter la du nacioj.
Fonto: ACN
