Foto: Granma

Havano, jan 17 (RHK) La kampanjo de vakcinado de plifortigo kontraŭ Kovim-19 daŭras ĉi-lunde en Kubo, kie la pandemio emas pliigi sian efikon tra la nacia teritorio.

Kun la aprobo de sciencistoj kaj pro  cirkulado de la Omicron-variaĵo de SARS-CoV-2, la procezo de administrado de plifortiga dozo akceliĝas en la plej granda el Antiloj.

Ĉi tiu procezo komenciĝis en novembro kaj estis establita por tiuj, kiuj kompletigis ses monatojn de la unua imunigo, tamen estis decidite akceli la procezon en la plej mallonga tempo ebla.

Laŭ mesaĝo en Tvitero de la Instituto  Finlay de Vakcinoj(IFV), kreinto kaj produktanto de la produktoj Soberana 01, Soberana 02 kaj Soberana Plus, ĝis la fino de januaro la tuta vakcinebla kuba loĝantaro devus esti ricevinta sian refortigan dozon.

La IFV klarigis, ke la vakcino Kuba Soberana 02 povas esti aplikata kiel plifortigo de ajna antaŭa imuniga skemo kiel la tri dozoj de Abdala aŭ aliaj imunigiloj aplikataj en iu ajn alia lando.

Homoj, kiuj ricevas ĉi tiun kvaran injekton, devas plenumi la postulon havi la kompletan vakcinan skemon (tri antaŭaj aplikoj) kaj ke almenaŭ tri monatoj pasis ekde la lasta injekto.

Ĝi ankaŭ povas esti administrita al tiuj, kiuj trapasis Kovim-19 kaj estas plene vakcinitaj, same kiel loĝantoj, kiuj alvenas en la landon kun iuj el la internacie haveblaj imunogenoj, post ses monatoj de la fina inokulado.

Fonto: PL