Karakaso, jan 19 (RHK) La prezidanto de la Latin-Amerika kaj Kariba Parlamento (Parlatino), Ángel Rodríguez, ripetis sian malakcepton de la trudaj rimedoj de Usono kontraŭ Kubo kaj certigis, ke la usona blokado kontraŭ  la insulo, Nikaragvo kaj sia propra lando, Venezuelo,  estas malhumana kaj kontraŭleĝa.

En ekskluzivaj deklaroj al Prensa Latina, la parlamentano memorigis, ke pasintjare, la ento, kiun li reprezentas, esprimis sin kontraŭ tiuj punaj agoj, kies celo estas sufoki ĉi tiujn popolojn, malstabiligi ilin kaj antaŭenigi ŝanĝon de registaro, kiel ili faris en aliaj nacioj.

"Publike kaj unuanime, la venezuela Parlatino diris, ke ĝi ne konsentas kun ĉi tiu agreso kaj ni restos en la sama linio", li emfazis.

Li konsideris, ke la agoj en malakcepto de la blokado, kiuj estas antaŭenigitaj de ene de tiu regiona organizo, povus fari diferencon en iu momento, montrante la malnoviĝon de tiu truda politiko.

Pri la situacio en Latin-Ameriko, Rodríguez atentigis, ke nuntempe blovas novaj ventoj, kiuj povus esti favoraj por la regiono.

Li emfazis, ke nuntempe ekzistas ankaŭ interkonsentoj kun aliaj emerĝantaj potencoj kiel Ĉinio kaj Hindio, kiuj estas avantaĝaj por la sudaj nacioj kaj povus signifi plibonigon de interkontinenta kunlaboro.

Li pledis por plifortigo de multflankaj kaj regionaj mekanismoj, sendepende de politikaj kaj ideologiaj diferencoj, kaj donis ekzemplon de kiel tio estis ebla alifoje sur la kontinento, kiam la plej multaj nacioj kuniĝis en komunaj projektoj.

Fonto:PL