Image: Infomed.

Havano,  feb 9 (RHK) La prezidento de Kubo, Miguel Díaz-Canel, ratifis ĉi-mardon kune kun sciencistoj de la lando, ke la prognozoj pri kazoj de Kovim-19 estas favoraj por ĉiuj provincoj kaj la epidemio restas sub kontrolo.

Laŭ la oficiala Tviter-profilo de la Prezidanteco, la kunveno ankaŭ taksis la kuraĝigajn rezultojn de la klinikaj studoj de la drogo Jusvinza por la kuracado de reŭmatoida artrito, malsano kiu tuŝas pli ol 136 000 kubanojn.

Laŭ oficialaj informoj, la nova medikamento produktita de la Kuba Centro por Genetika Inĝenierado kaj Bioteknologio -CIGB-, ankaŭ montris altan efikecon ĉe pacientoj kun Kovim-19.
Jusvinza estas la unua terapia produkto en Kubo bazita sur sinteza peptido, ĝi atingas plibonigojn en ventolaj parametroj kaj markiloj de inflamo, kio kondukas al la reakiro de homoj komplikitaj de la pandemio kaŭzita de la viruso SARS-CoV-2.

En simila kunveno pasintan oktobron, la Doktoro pri Scienco María del Carmen Domínguez prezentis la rezultojn de la apliko de Jusvinza (CIGB-258), kiu, ŝi diris, permesis altajn nivelojn de resaniĝo de maltrankviligaj, seriozaj kaj altriskaj pacientoj.

La samaj pozitivaj efikoj estis atingitaj per la aplikado de ĉi tiu drogo al gravedaj virinoj (por redukti ekstreme gravan patrinan morbon kaj patrinan mortecon) kaj en pediatriaj kazoj, ŝi raportis.

Jusvinza povus esti uzata kontraŭ reŭmatoida artrito, junula idiopata artrito, kiu influas infanojn, kaj sepso, specife komunuma pulminflamo.
Alifoje, la kuba prezidento estris la Portempan Laborgrupon por alfronti Kovim-19 kaj taksis la daŭran malkreskon de aktivaj kazoj en ĉiuj teritorioj, diris la Prezidanteco.

Fonto: PL