Fonto: PL
Vaŝingtono, jun 22 (RHK) Grupo da 40 studentoj el Usono, kune kun la kunordiganto de la projekto Pontoj de Amo Carlos Lazo, alvenos ĉi-merkredon al Havano kun solidara ŝarĝo de pulvora lakto por kubaj pediatriaj hospitaloj.
La junuloj, kiuj ankaŭ estas akompanataj de kelkaj el siaj gepatroj, entuziasmas helpi al la popolo de Kubo, diris Lazo en deklaroj al la informagentejo Prensa Latina antaŭ foriri al la insularo el Miamo.
Kvin mil funtoj da pulvora lakto el la kampanjo de la organizo, kiu jam faris du aliajn sendojn por similaj celoj, estos liveritaj, li diris.
Ĉi tio estas sablograjno en maro de bezonoj, sed ni povas helpi kaj ni daŭrigos, neniu haltigos nin, diris la kuba-usona profesoro loĝanta en Seatlo la pasintan januaron kiam li foriris al la ĉefurbo de la insulo kun donaco de. 15 mil funtoj de la esenca produkto por infana nutrado.
Krome, en novembro 2021 ili kolektis 18,000 funtojn da lakto, kiuj estis destinitaj por infanvartejoj kaj flegejoj en la orientaj provincoj Holguín, Granma kaj Guantánamo.
La platformo gvidata de Lazo estas parto de la kreskanta reto de solidareco kun Kubo ene de Usono, kiu alvokas la registaron de Joe Biden reveni al la vojo de interkompreniĝo inter la du landoj kaj postulas ĉesigon de ekonomia, financa kaj komerca blokado kiu daŭras pli ol 60 jarojn.
Fonto:PL
