Foto: PL

Matanzas, aŭg 6 (RHK) La prezidento de Kubo, Miguel Díaz-Canel, raportis, ke la fajro, kiu disvolviĝas en petrolujoj en ĉi tiu urbo, bezonos tempon por esti sufokita,  sed jam ekzistas strategio tiucela.

Dum sekva kunveno al la fajro kun ĉiuj registaraj aŭtoritatoj, la prezidento certigis, ke "estas malfacila situacio sed ni ankaŭ eliros el ĉi tio".

Simile, en mesaĝo publikigita en la socia reto Tvitero, Díaz-Canel precizigis, ke la sekvaj instrukcioj estas donitaj kaj ke ili laboras forte kaj en tre malfacilaj kondiĉoj, aldonante, ke estas esence konservi la informon konstanta por la homoj, kun sereneco.

Li aldonis, ke li vizitis la vunditojn kaj okazigis kunvenon kun la provincaj aŭtoritatoj kaj emfazis, ke urĝas trovi la malaperintajn fajrobrigadistojn en la eksplodo kaj prizorgi iliajn familiojn.

La evento  okazis en la vesperiĝo,   kiam elektra malŝarĝo dum ŝtormo trafis krudstokujon 52 de la Matanzas Superpetrolŝipo-Bazo.

Malgraŭ la klopodoj ĉe tagiĝo, novaj eksplodoj okazis en la loko pro la etendo de fajro al dua fueldeponejo provokinta vunditojn, ĉe fajrobrigadistoj kaj aliaj,  inkluzive de membroj de gazetara teamo.

Ĝis nun, la aŭtoritatoj konfirmis 77 vunditojn kaj 17 malaperintojn, dum daŭraj agoj por  malhelpi la disvastiĝon de la flamoj en la industria zono de la urbo.

Pli ol 800 homoj estis evakuitaj al aliaj lokoj dum la lando anoncis, ke ĝi petas helpon de aliaj amikaj nacioj kun sperto pri traktado de ĉi tiu tipo de katastrofo.

Pluraj uzantoj en sociaj retoj ekvidis fumon de la fajro en areoj norde de Havano, kio estis konfirmita de la Instituto pri Meteologio, kiu klarigis, ke ĝi estas rezulto de la efiko de nordorientaj ventoj.

Fonto: PL