Parizo, sep 10 (RHK) Kunlaboraj organizoj kaj eŭropaj personecoj diskutas, ĉi-sabaton, en la kunteksto de la Festivalo Humanité, manierojn antaŭenigi ekonomian kunlaboron kun Kubo, lando submetita dum pli ol ses jardekoj da usona blokado.

Kunvokita de la asocio Cuba Coopération France (CubaCoop), la forumo elstaras en la dua tago de la tritaga politika-kultura evento, kaj celas esplori konkretajn komunajn agojn inter diversaj agantoj por akompani la sociekonomikan disvolviĝon de la sieĝata insulo.

Ni devas rompi la blokadon, deklaris la prezidanto de CubaCoop, Víctor Fernández, antaŭtage en la inaŭguro de la stando de la organizo en la festivalo Humanité, kiun gastigas la Pariza Regiono.

Fernández antaŭvidis esperojn pri la renkontiĝo kaj pri la ebleco starigi vojmapon je eŭropa nivelo, kiu antaŭenigas investojn en Kubo kaj la operaciojn de bankoj, kiuj, pro la eksterteritoria efiko de la usona blokado, precipe pro sankcioj, evitas aŭ haltigas ligojn kun la antila nacio.

La listo de gastoj ĉe la forumo inkluzivas la prezidanton de la Itala Agentejo por Kultura kaj Ekonomia Interŝanĝo kun Kubo, Michele Curto, la reprezentanto de Sodepaz Francisco Calderón kaj la hispana europarlamentano Manu Pineda.

Menciindas ankaŭ la prezidanto de la Komunista Partio de Hispanio, José Luis Centella, la unua vicprezidanto de la Partio de la Eŭropa Maldekstro, Maite Mola, kaj la franca komunista deputito André Chassaigne.

Kuba flanko, Yoerky Sánchez, deputito kaj membro de la Centra Komitato de la Komunista Partio kaj de la Ŝtata Konsilio, intervenos en la kunvenon, akompanate de la ambasadoro en Francio, Otto Vaillant.

Fonto: PL