Unuiĝintaj Nacioj, sep 21 (RHK) Kuba ministro pri eksteraj aferoj Bruno Rodríguez parolas hodiaŭ en la altnivela segmento de la 77-a sesio de la Ĝenerala Asembleo de Unuiĝintaj Nacioj (UN).

Ĉi-okaze, Kubo ratifos sian sindevontigon al paco kaj plurflankismo, por atingi pli demokratian, justan kaj egalecan internacian ordon, bazitan sur plena respekto al la Ĉarto de UN kaj Internacia Juro, diris lastatempe la ministro pri eksteraj aferoj Kubo en Tvitero.

Rodríguez gvidas la delegacion de la plej granda insulo de Antiloj al ĉi tiu kunveno, la unua persone okazinta post Kovim-19, en kiu partoprenas 150 ŝtatestroj, registaroj kaj ministroj pri eksteraj aferoj el la tuta mondo.

Ekde sia alveno pasintan sabaton al Novjorko, Usono, la plej alta reprezentanto de la kuba diplomatio ellaboris intensan tagordon de duflankaj kontaktoj kun homologoj el deko da nacioj.

Antaŭtage, la kuba ministro interparolis kun sia homologo el la Sahara Araba Respubliko, Mohamed Salem Ould Salek, pri la historiaj ligoj de kunlaboro kaj solidareco inter ambaŭ popoloj kaj registaroj.

Ankaŭ, en renkontiĝo kun la portugala ministro pri eksteraj aferoj, Joao Cravinho, la partioj konsentis pri la bezono disvolvi kaj pligrandigi la politikan dialogon.

La ministro ankaŭ renkontiĝis kun sia siria ekvivalento, Faisal Mekdad, pri la firmiĝo de la ligoj inter la du landoj kaj reciproka subteno fronte al unuflankaj blokadoj kaj sankcioj, kaj dankis la nikaragvan ministron pri eksteraj aferoj, Denis Moncada  pro la konstanta solidareco kun Kubo.

Antaŭe, Rodríguez parolis kun Adaljiza Magno, Ministro pri Eksteraj Aferoj kaj Kunlaboro de Timor-Leste kaj iama membro de la Konstituciiga Asembleo, pri la rimarkindaj rezultoj de la medicina kunlaboro de la insulo.

Fonto: PL