Foto: Estudios Revolución

Vientiane, okt 3 (RHK) La registaroj de Kubo kaj Laoso subskribis kvar interkonsentojn en la kunteksto de la oficiala vizito  farita de ĉefministro Manuel Marrero, kiu hodiaŭ plenumos ampleksan labortagordon.

Fine de la oficialaj interparoloj, okazintaj la antaŭan tagon, estis subskribitaj du interkonsentoj en la kampoj de supera edukado, agrikulturo kaj sano, Marrero kaj lia laosa ekvivalento, Phankham Viphavanc, konsentis, ke la ĉeesto de la kuba registarestro markas novan mejloŝtonon kaj akceli duflankajn rilatojn.

La ankaŭ membro de la Politika Buroo de la Komunista Partio de Kubo estis akceptita ĉi-dimanĉe ĉe sia alveno al Vientiane de la Ministro pri Edukado kaj Sporto, Simma Laoong.

Ĉi-lunde la kuba ĉefministro realigos intensan laborprogramon, de sia vizito, kiu, laŭ la loka Ministerio pri Eksteraj Aferoj, plifortigas kaj vastigas la amikecon kaj kunlaboron inter ambaŭ landoj.

La kuba registarestro faros viziton al la monumento al la nekonata soldato, poste, kune kun la delegacio, kiu akompanas lin, ili intervidiĝos kun la estro de la Nacia Asembleo de Laoso (Parlamento), Saysomphone Phomvihane, kaj kun la ĝenerala sekretario de la Populara Revolucia Partio (PPRL) kaj la prezidanto de la lando, Thongloun Sisoulith.

Ili tiam vizitos agrikulturan kompanion, disvolvan zonon kaj la Lernejon de Amikeco Kubo-Laosa, kie estas starigita busto memore al la Nacia Heroo José Martí.

La vizito de Marrero estis antaŭita, komence de la pasinta septembro, de tiu farita de la unua vicministro pri Eksteraj Aferoj de Kubo, Gerardo Peñalver, kiu permesis konfirmi la profundajn radikojn, kiuj subtenas la pli ol 50 jarojn da duflanka kunlaboro ĝis hodiaŭ.

La pasintan junion, la ĉefaj gvidantoj de la PCC, Miguel Díaz-Canel, kaj de la PPRL, Thongloun Sisoulith, okazigis videokonferencon, en kiu ili emfazis la ĉiam pli konsekvencajn rilatojn de amikeco kaj solidareco inter la du landoj.

Ni atribuas altan prioritaton kaj gravecon al la ligiloj de amikeco kaj kunlaboro, kiuj kunigas la popolojn, partiojn kaj registarojn de Kubo kaj Laoso, emfazis tiam Díaz-Canel, kiu etendis al siaj interparolantoj varman kaj fratan saluton de la armegeneralo Raúl Castro.

Dum la dialogo, la kuba prezidento faris kelkajn proponojn por antaŭenigi duflankajn ekonomiajn ligojn kaj pligrandigi kunlaboron en la kampoj de sano, edukado, sporto, la farmacia industrio, bioteknologio kaj agrikulturo.

Díaz-Canel kaj Sisoulith dividis reciprokajn invitojn viziti ĉiun landon, kiel signo de la konsekvencaj kaj historiaj ligoj de amikeco kaj kunlaboro inter ambaŭ nacioj.

Fonto: PL