Foto: PL

Havano, okt 17 (RHK) La prezidento de Kubo, Miguel Díaz-Canel, hodiaŭ rememoris la 25-an datrevenon de la alveno de la restaĵoj de la argentin-kuba revoluciulo Ernesto Che Guevara en la centran urbon Santa Clara.

Per sia tvitera konto, la prezidento konsideris ĉi tiun daton neforgesebla kaj emfazis, ke la ekzemplo kaj revoj de Che, ankaŭ konata kiel Heroa Gerilo, "daŭre tiras ĉiujn kiel magneto".

La 14-an de oktobro 1997, la restaĵoj de Guevara kaj ses aliaj el liaj kunuloj estis translokigitaj al Santa Clara, la ĉefurbo de Villa Clara provinco en la centro de la lando.

La ostujoj de la argentin-kuba komandanto estis deponitaj en la ĉambro Caturla de la provinca biblioteko José Martí, tra kies fronto miloj da homoj paradis ĝis la 17-a de oktobro, kiam ili estis kondukitaj al la monumento de Che Guevara, matene.

La ĉerko de Che Guevara alvenis al Kubo el Bolivio la 12-an de julio 1997, post kiam liaj restaĵoj estis trovitaj sur la Vallegrande-trako.

Fonto: PL