Bonaero, okt 31 (RHK) Reprezentantoj de Kubo kaj Argentino okazigas hodiaŭ en ĉi tiu ĉefurbo la Unuan Rondon de Konversacioj pri Migraj Temoj kun la celo garantii regulan, ordan kaj sekuran fluon de vojaĝantoj.

La kunvenon gvidas la kuba flanko, la ĝenerala direktoro de Konsulaj Aferoj kaj Asistado al Kubanoj Loĝantaj Eksterlande, Ernesto Soberón, kaj de la argentina delegacio, la estro de Konsulaj Aferoj de la Ministerio de Eksteraj Aferoj, Ana Laura Cachaza.

Laŭ la kuba Ministerio pri Eksteraj Aferoj, la celo de la renkontiĝo estas analizi eblajn komunajn agojn por malinstigi kontraŭleĝajn agojn asociitajn kun neregula migrado.

Dum interŝanĝo kun kubanoj loĝantaj en ĉi tiu nacio, okazinta la antaŭan tagon, Soberón esprimis la volon de la insulo plifortigi ligojn kun siaj civitanoj en ĉiuj partoj de la mondo.

Same, li precizigis, ke li klarigos al la argentina  partnero la faktorojn, kiuj kaŭzas la neregulan fluon de homoj, inter ili la pliintensiĝo de la ekonomia, komerca kaj financa blokado trudita de Usono al la kariba lando dum pli ol ses jardekoj.

La nerespekto de Vaŝingtono pri la migrantaj interkonsentoj, la suspendo de usonaj konsulaj servoj en Havano, la neado de vizoj, la facilecoj donitaj al kubanoj kiam ili alvenas kontraŭleĝe al usona teritorio, kaj forta amaskomunikila kampanjo por kulpigi la registaron de la insulo pri ĉio, kio okazas, li diris.

Soberón anoncis, ke la antila nacio preparas Leĝon pri Civitaneco kaj atendas la aprobon de projektoj pri Pasporto kaj Enmigrado.

Krome, li certigis, ke oni klopodas  atingi ampleksan partoprenon de eksterlandaj loĝantoj en la disvolviĝo de la lando.

Fonto:PL