Ĝenevo, nov 29 (RHK) Rekone al la pacisma laboro kaj respekto al la internacia juro, Kubo estis elektita Vicprezidanto, reprezentante la Movadon de Nealiancaj Landoj, de la Naŭa Revizia Konferenco de la Konvencio pri Malpermeso de Disvolvado, Produktado kaj Stokado de Biologiaj Armiloj kaj Toksinoj kaj ilia Detruo.

Laŭ la retejo Cubaminrex, la kuba delegacio, kiu estas gvidata de Rodolfo Benítez Verson, Ĝenerala Direktoro pri Plurflankaj Aferoj kaj Internacia Juro de la Ministerio de Eksteraj Aferoj, kaj formita ankaŭ de Juan Antonio Quintanilla Román, Ambasadoro de Kubo en Ĝenevo, kaj aliaj oficistoj, prezentis plurajn labordokumentojn kiel kontribuon al ĉi tiu evento.

Inter la prioritatoj de la kuba delegacio estas la denunco de la efikoj de la ekonomia, komerca kaj financa blokado trudita de Usono, kiu flagre malobservas la dispoziciojn de la Konvencio pri Internaciaj Asistado kaj Kunlaboro, krom antaŭenigi la alprenon de laŭleĝe deviga Protokolo kiu plifortigas la Konvencion amplekse, inkluzive de dispozicioj por ĝia kontrolado.

Kubo subtenas la malpermeson kaj totalan forigon de amasdetruaj armiloj kaj ekde 1976 estas Ŝtata Partio de la Konvencio pri Biologiaj Armiloj, reliefigas la teksto, kiu ankaŭ asertas, ke nia lando havas fortikan nacian efektivigsistemon, kiu garantias striktan aplikadon de tiu instrumento.

Dum la malferma sesio de la renkontiĝo, mesaĝoj de la Ĝenerala Sekretario de UN, António Guterres, kaj la Alta Reprezentanto de UN por Aferoj pri Malarmado, Izumi Nakamitzu, estis inkluzivitaj.

Fonto: Granma