Havano, dec 27 (RHK) La ministro pri eksteraj aferoj, Bruno Rodríguez, denuncis hodiaŭ per sia tvitera konto la ligilojn de tiu socia reto kun usonaj registaraj agentejoj por efektivigi psikologiajn militajn agojn kontraŭ Kubo kaj postulis respondon pri la afero.
Rodríguez atentigis, ke la tiel nomataj Tviter Files, dokumentoj likitaj al ĵurnalistoj pri la operacioj de la kompanio, montras, ke la sekretaj servoj de Usono, la Pentagono kaj la Ŝtata Departemento kunordigis koncernajn agadojn.
Samtempe, la Federacia Buroo de Esploro (FBI) pagis la kompanion por respondi al ĝiaj petoj, li aldonis.
Inter la celoj de ĉi tiuj agoj estis kubaj uzantoj, diris Rodríguez, kiu en alia mesaĝo komentis, ke la redaktoro de Substack Matt Taibbi malkaŝis, ke en la longaj listoj de kontoj kiujn Tviter ricevis kun indikoj de cenzuro estis kubanoj, "markitaj por modereco aŭ cifereca ekzekuto".
La eldonisto ankaŭ malkaŝis, ke Vaŝingtono estas en konstanta kontakto ne nur kun la kompanio, sed kun preskaŭ ĉiuj ĉefaj teknologiaj kompanioj, inkluzive de Facebook, Microsoft, Verizon, Reddit kaj eĉ Pinterest, aldonis la kanceliero.
La kuba ministro profitis de la novaj pruvoj por ripeti la plendon, kiun li faris antaŭ la Ĝenerala Asembleo de Unuiĝintaj Nacioj la 3-an de novembro kaj postulis respondojn pri la afero.
Tiam Rodríguez diris, ke la usona registaro asignas dekojn da milionoj da dolaroj el la federacia buĝeto kaj kaŝaj monrimedoj, kaj varbas registarajn instituciojn kaj privatajn kompaniojn por financi politikajn funkciigistojn, kiuj faras kampanjojn de malinformo, malamo kaj malstabiligo kontraŭ Kubo en ciferecaj retoj.
Tiusence, li rememoris, ke la 24-an de oktobro Tvitero kaj Meta (Facebook), kiu nun havas inter siaj ĉefaj direktoroj la iaman kampanjestron de kontraŭkuba respublikana senatano; samtempe deplojis cenzurajn agojn kontraŭ publikaj amaskomunikiloj kaj kubaj uzantoj.
Kadre de tiuj agoj, ili etikedis plurajn publikaĵojn kiel ligitajn al la kuba registaro, tiel limigante sian atingon sur la retoj kaj forigante kontojn kritikajn de la malstabiligaj operacioj kontraŭ la kariba nacio.
"Ĝi estis selektema, kunordigita agado, kiu malobservas la rajton al libera esprimo de kubanoj kaj kiu pruvas la subiĝon de tiuj kompanioj al la kapricoj de usonaj politikistoj", li emfazis.
Fonto: PL
