Foto: Cubadebate
Havano, jan 17 (RHK) Kubo rememoras hodiaŭ la agojn de la batalo en La Plata, la unua venko de la Ribela Armeo, gvidata de Fidel Castro, kontraŭ fortoj de la diktaturo de Fulgencio Batista.
La sturmo okazis la 17-an de januaro 1957 de 29 membroj de la gerilo, kiu reorganizis post la surteriĝo de la jakto Granma sur la orienta marbordo de Kubo, kaj pruvis, ke tiu ribela trupo funkcias kaj kapablas batali.
El milita vidpunkto ĝi estis eta ago, sed ĝi donis fortan baton al la propagando de la registaro pri la tuta neniigo de la gerilgrupo en Alegría de Pío kaj altigis la batalan moralon de la trupoj.
En sia kampanja taglibro, Ernesto Guevara, kiu poste altiĝos al la rango de komandanto de la Ribela Armeo, skribis ke la ago estis voko al ĉies atento kaj reasertis la ŝancojn de fina venko.
La batalo daŭris 40 minutojn kaj permesis al diversaj gerilbatal-strategioj esti metitaj en praktikon kiuj poste iĝus fundamenta parto de la armeaj operacioj de la Ribela Armeo.
La Plata, situanta sur la deklivoj de la montoĉeno Sierra Maestra, en la sudoriento de Kubo, poste ludos gravan rolon en la agoj de la revoluciuloj, ĉar Fidel Castro lokus tie la ĉefsidejon de siaj trupoj.
Fonto:PL
