Havano, jan 19 (RHK) Kubaj deputitoj, specialistoj kaj profesiuloj daŭrigos ĉi-ĵaŭdon la diskuton de la leĝpropono pri Socia Komunikado, kiu estos submetita al ekzamenado en la venonta parlamenta sesio.
Ĝis la 27-a de januaro okazos teritoriaj kunvenoj kun la celo kolekti pli grandan nombron da opinioj de fakuloj kaj civitanoj, kiuj ankaŭ povas eldoni siajn kriteriojn per ciferecaj kanaloj.
La konsulta procezo komenciĝis antaŭtage en Santiago de Kubo, kun la partopreno de leĝdonantoj, ĵurnalistoj, komunikiloj kaj esploristoj de tiu teritorio kaj de la provinco de Guantanamo.
La plej lastatempa versio de la jura normo estis publikigita en la retejo de la Nacia Asembleo de Popola Povo (Parlamento) pasintsemajne, por antaŭenigi la popolan partoprenon kaj kontribui al jura kulturo.
La leĝdona horaro antaŭvidis la aprobon de la leĝa teksto, la unua tia en Kubo, la pasintan decembron, sed la deputitoj konsentis prokrasti ĉi tiun procezon por havi pli da informoj pri la komplekseco de la proponitaj ŝanĝoj.
La nova leĝo disvolvas plurajn artikolojn de la Konstitucio de 2019 kaj ĝi reguligas la Sistemon de Socia Komunikado por la strategia kaj integra administrado de procezoj de socia komunikado en la organizaj, amaskomunikiloj kaj komunumaj kampoj, por politikaj celoj, por la publika bono, organiza kaj komerca.
Fonto: PL
