Bonaero, jan 23 (RHK) La prezidento de la Respubliko, Miguel Díaz-Canel Bermúdez, estas en ĉi tiu urbo por partopreni en la VII-a Pintkunveno de la Komunumo de Latin-Amerikaj kaj Karibaj Ŝtatoj (CELAC), kiu okazos en la urbo de pli ol 15 milionoj da loĝantoj, ĉi tiun 24-an de januaro.

Preter la oficialaj agadoj de la Pintkunveno, Miguel Díaz-Canel ankaŭ planas plenumi intensan tagordon, kiu inkluzivos renkontiĝojn kun reprezentantoj de diversaj sektoroj de la argentina ekonomia kaj socia vivo.

La kuba delegacio ankaŭ konsistas el la membro de la Politika Buroo kaj Ministro pri Eksteraj Aferoj, Bruno Rodríguez Parrilla, la vicministro de MINREX kaj nacia kunordiganto de Kubo por CELAC, Anayansi Rodríguez Camejo, la direktoro de Multflankaj Aferoj de la eksterafera ministerio kaj nacia kunordiganto deputito, Rodolfo Benítez Verson, la direktoro de Latin-Ameriko kaj Karibio, Eugenio Martínez Enríquez, same kiel la kuba ambasadoro en Argentino, Pedro Pablo Prada.

Tiu ne estas la unua vizito de la kuba prezidento al la Argentina Respubliko, en decembro 2019 li vojaĝis al la suda nacio okaze de la enposteniĝo de Alberto Fernández.

La kunsidoj de la 7-a Pintkunveno de CELAC la 24-an de januaro estos markitaj ekde nun per la reveno al la organizo de Brazilo, gvidata de ĝia Prezidento kaj fondinto de la organizo, Luis Inácio Lula da Silva.

Kelkajn tagojn post la naŭjara datreveno de la Proklamo de Latin-Ameriko kaj Karibio kiel Zono de Paco, adoptita de CELAC en Kubo, la regiono antaŭeniras hodiaŭ kun tiu premiso kiel bastiono.

Morgaŭ, kun Bonaero kiel gastiga ĉefurbo, la regantoj ratifos ĉe sia VII-a Pintkunveno la validecon kaj gravecon de ĉi tiu kerndokumento de Celac.

Kun alvoko daŭre  progresi en integriĝo kaj kernaj postuloj ankoraŭ pritraktataj, sur ĉi tiu longa vojo ĝis  atingi Argentinon, hodiaŭ prezidanto pro tempore, en malsamaj tempoj la bloko ratifis la deziron atingi unuecon, bonfarton, pacon kaj sekurecon de la popoloj.