Havano, feb 6 (RHK) La kuba prezidento Miguel Díaz-Canel Bermúdez kaj la ministro pri eksteraj aferoj Bruno Rodríguez Parrilla sendis kondolencajn mesaĝojn al la popoloj kaj registaroj de Sirio kaj Turkio post la tertremo de 7,8 gradoj, kiu kaŭzis ĉi-lunde matene almenaŭ 2 000 mortojn kaj materian damaĝon en ambaŭ nacioj.

"La solidareco de Kubo kaj nia plej profunda kondolenco al la turka popolo kaj Registaro pro la perdo de vivoj, vundoj kaj materialaj damaĝoj kaŭzitaj de la intensa tertremo, same kiel nia volo kunlabori en la prizorgado de la viktimoj", ​​Díaz- Díaz skribis en Tvitero.

"Same, konsiderante la bedaŭrindajn mortiĝojn kaj damaĝojn kaŭzitajn de la tertremo en Gaziantep, mi esprimas kondolencon al la popolo kaj Registaro de Sirio, same kiel nian solidarecon kaj volontecon kunlabori en la prizorgado de la vunditoj", diris la prezidanto en alia tvito.

La kuba ministro pri eksteraj aferoj, Bruno Rodríguez Parrilla, transdonis en tiu socia reto sian plej profundan kondolencon "al la popolo kaj Registaro de Sirio, kaj ankaŭ nian volontecon kunlabori post la forta tertremo kiu trafis tiun landon kaj kaŭzis la perdon de homaj vivoj kaj materiaj damaĝoj”, dezirante, krome, rapidan resaniĝon de la vunditoj.

La ministro pri eksteraj aferoj aldonis, ke "Kubo esprimas profundan bedaŭron, solidarecon kaj volon kunlabori kun la popolo kaj la Registaro de Turkio post la tertremo, kiu ĉi-lunde kaŭzis la perdon de homaj vivoj kaj materialan damaĝon. Nian kondolencon al familio kaj amikoj de la viktimoj."