Havano, feb 13 (RHK) La ĉefministro de Belizo, John Briceño, asertis, ke la vizito de la prezidento de Kubo, Miguel Díaz-Canel, estas alia rekono de la profundaj ekzistantaj duflankaj rilatoj.

Antaŭ ĉi tiuj vortoj, la estro de la gastiganta registaro bonvenigis la prezidenton de la plej granda insulo en Karibio al eksterordinara kunsido de la Nacia Asembleo, la unua tiaspeca dimanĉe, kiu okazis ekster Belmopano ekde kiam ĝi fariĝis la ĉefurbo.

Ambaŭ aŭtoritatoj faris interparolojn minutojn antaŭe, esprimis sian intereson pri plifortigo de ekonomiaj, komercaj kaj kunlaboraj ligoj kaj interŝanĝis pri la interkonsentoj adoptitaj en la VIII-a Pintkunveno de la Kariba Komunumo (Caricom), raportis la novaĵagentejo Prensa Latina.

Akompanis la kuban ŝtatestron la estro de Eksterlandaj Rilatoj Bruno Rodríguez, la estro de Ekstera Komerco Rodrigo Malmierca, la estro de Sano, José A. Portal, kaj la prezidanto de BioCubaFarma, Eduardo Martínez.

La tagordo komenciĝis per renkontiĝo inter la kuba ŝtatestro kaj la ĝenerala guberniestro de la lando, Froyla Tzalam, en la Kulturdomo en Belizurbo.

Tio estas la unua vizito de kuba prezidento al Belizo, dum tri el la kvin ĉefministroj de la centramerika nacio, Said Musa, Dean Barrow kaj John Briceño, vojaĝis al la insulo.

Ekde 1990 ambaŭ landoj kunlaboras pri sanaj aferoj. Nuntempe en ĉi tiu lando laboras 120 kubaj kuracistoj kaj du pri sportoj. Entute pli ol mil sankunlaborantoj liveris servojn en la frata nacio.

Kubo subtenas Belizon kaj la Membrojn de Caricom en la trejnado de homaj rimedoj. 64 Belizaj akademiuloj studas en antila teritorio.

La gastiganta nacio proponis stipendiojn al junaj kubanoj por plibonigi la anglan lingvon.

Fonto: PL